"საქართველო და რუსეთი მეზობლები არიან, მეზობლებს ხშირად საერთო ინტერესები აქვთ, თუმცა ამასთანავე, ხანდახან პრობლემებიც და მათ ერთად უნდა ეცადონ, იპოვონ გამოსავალი, - ამის შესახებ შვეიცარიის კონფედერაციის სრულუფლებიანმა და საგანგებო ელჩმა საქართველოში, პატრიკ ფრანცენმა განაცხადა.
მან უპასუხა კითხვას რუსეთსა და საქართველოს შორის არსებულ პრობლემებზე და მათი გადაჭრის გზებზე.
"საქართველო და რუსეთი მეზობლები არიან. მეზობლებს ხშირად საერთო ინტერესები აქვთ, თუმცა ამასთანავე, ხანდახან პრობლემებიც აქვთ და მათ ერთად უნდა ეცადონ, რომ იპოვონ გამოსავალი. რა თქმა უნდა, საქართველო ოკუპირებულია და ეს პრობლემაა, რომელიც უნდა იყოს განხილული. შვეიცარია ქვეყანაა, რომელიც ცდილობს, დიალოგი წაახალისოს ყველა მხარეს შორის, რომელთაც განსხვავებები აქვთ და მხოლოდ დიალოგით შეიძლება მდგრადი გამოსავლის მოძებნა", - განაცხადა ფრანცენმა.