დავით ზალკალიანი - საქართველოს მთავრობა ყველა ღონეს იყენებს, რომ ჩვენი ქვეყნის ევროპულ ოჯახში სრულფასოვანი ინტეგრაცია იყოს რეალიზებული

მე არ ვიცი, რა პირობებში ჩატარდა ეს კვლევა, რა იყო არეალი, გამოკითხულთა ველი - აქედან გამომდინარე ვფიქრობ, რომ ძალიან ბევრი ფაქტორი შეიძლება ყოფილიყო, - ამის შესახებ ჟურნალისტებს საგარეო საქმეთა მინისტრმა დავით ზალკალიანმა NDI-ს საზოგადოებრივი აზრის კვლევის შედეგების შეფასებისას განუცხადა.

„თუმცა ერთი მინდა ვთქვა, რომ საქართველოს მთავრობა ყველა ღონეს იყენებს იმისთვის, რომ ჩვენი ქვეყნის თანმიმდევრული განვითარება და ჩვენი ქვეყნის ევროპულ ოჯახში სრულფასოვანი ინტეგრაცია იყოს რეალიზებული“, - განაცხადა ზალკალიანმა და იქვე დასძინა:

“რა თქმა უნდა, ჩვენთვის მნიშვნელოვანია საზოგადოებრივი აზრი. მე ვფიქრობ, რომ საზოგადოებრივი აზრის ყველაზე რეალური გამოხატულება არის არჩევენებში მათი დამოკიდებულება მთავრობის მიმართ, პოლიტიკური პარტიების მიმართ და რა თქმა უნდა, ის იყო გამოხატული წინა არჩევნებზე და დარწმუნებული ვარ, 2020 წლის არჩევნებშიც საზოგადოება ზუსტ შეფასებას მისცემს მთავრობის მოღვაწოებასაც. ჩვენ გვქონდა არაერთი, ბევრი შემთხვევა, როდესაც გამოკითხვის შედეგები არ დაემთხვა არჩევნების შედეგებს. ამიტომ ვფიქრობ, რომ საქართველოს მთავრობის საქმიანობა, რომელიც მიმართულია პირველ რიგში, ქვეყანაში კეთილდღეობის გაუმჯობესებისკენ, იმისკენ, რომ ის ეკონომიკური ზრდა, რომელიც მართალაც გვაქვს, იმ უპრეცედენტო საგარეო გამოწვევების ფონზე და მართლაც ფაქტია, რომ უამრავი საგარეო გამოწვევა არსებობს, მათ შორის უსაფრთხოების კუთხით, იგივე ოკუპაცია, რომელიც სერიოზული გამოწვევაა და აისახება ეს მთავრობის საქმიანობაზე, მათ შორის ეკონომიკური მიმართულებით. ჩვენ ყველაფერს ვაკეთებთ, იმისთვის, რომ ეს რისკები და საფრთხეები იყო მინიმუმამდე დაყვანილი იმისთვის, რომ, ქვეყანაში უზრუნველყოფილი იყოს სტაბილურობა, რადგან სტაბილურობის გარეშე ჩვენ ვერ უზრუნველვყოფთ ვერც განვითარებას და ვერც კეთილდღეობას. მე ვფიქრობ, რომ ხალხი ამას ძალიან კარგად ხედავს, დაინახავს და ეს ყველაფერი იქნება ასახული, როდესაც ისინი არჩევნებზე 2020 წელს გააკეტებენ არჩევანს,“ - განაცხადა საგარეო საქმეთა მინისტრმა დავით ზალკალიანმა.

შეგახსენებთ, რომ NDI-ის კვლევის თანახმად, გამოკითხულთა უმრავლესობა მთავრობის საქმიანობას უარყოფითად აფასებს. უფრო კონკრეტულად, რესპონდენტთა 60 %-ის აზრით, მთავრობა „ცუდად“ მუშაობს, 32 %-ის შეფასებით - „კარგად“, ხოლო კითხვაზე პასუხი „არ ვიცი“ 6%-მა დააფიქსირა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა