ინფრასტრუქტურის სამინისტრო ტურისტულად დატვირთული კურორტების მართვის განსხვავებულ მოდელზე მუშაობს

რეგიონული განვითარებისა და ინფრასტრუქტურის სამინისტროს ინიციატივით ტურისტულად დატვირთული კურორტების მართვის განსხვავებული მოდელი მომზადდება, - ამის შესახებ მთავრობის სხდომის დასრულების რეგიონული განვითარებისა და ინფრასტრუქტუერის მინისტრმა მაია ცქიტიშვილმა განაცხადა.

ვიცე-პრემიერის თქმით, ბევრი პრობლემა კურორტების ადმინისტრირებას უკავშირდება და უმეტესად ამის მიზეზი ისაა, რომ თვითმმართველობას არ გააჩნია საჭირო არც ფინანსური და არც ადამიანური რესუსრსი.

„თუ პარლამენტი გაიზიარებს ჩვენს ინიციატივას, ცვლილების საფუძველზე, რომელიც ადგილობრივი თვითმმართველობის კოდექსში შევა, მუნიციპალიტეტებს საკრებულოების გადაწყვეტილებით შესაძლებლობას მისცემს შექმნან საჯარო სამართლის იურიდიული პირი, რომელიც პასუხისმგებელი იქნება სათანადო მუნიციპალური სერვისების მიწოდებაზე, ესაა - პარკირება, ნარჩენების გატანა, მშენებლობის ნებართვების გაცემა და ამ პროცესის ზედამხედველობა და სხვა. საუბარია ისეთი ტიპის დასახლებებზე, როგორიცაა ბაკურიანი, უშგული, გუდაური, ურეკი,“ - აღნიშნა მაია ცქიტიშვილმა.

რეგიონული განვითარებისა და ინფრასტრუქტურის მინისტრის თქმით, საკურორტო დასახლებებში, სადაც ვიზიტორთა რაოდენობა ყოველწლიურად იზრდება, მომსახურების სტანდარტის გაუმჯობესების მიზნით, ახალი სსიპ-ი შეასრულებს ყველა იმ ფუნქციას, რასაც დიდ ქალაქებში ასრულებს.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა