სერგი კაპანაძე ომბუდსმენს - ერთი მხრივ, ხორავას ქუჩის საქმეზე სამოხელეო დანაშაული არ არის გამოძიებული, ხოლო მეორე მხრივ, გვყავს 20 ივნისის საქმეზე დაკავებულები

„ერთი მხრივ, ხორავას ქუჩის საქმეზე სამოხელეო დანაშაული არ არის გამოძიებული, არჩევნების პერიოდში ძალადობრივი ინციდენტები არ არის გამოძიებული, ხოლო მეორე მხრივ, გვყავს 20 ივნისის საქმეზე დაკავებული ადამიანები,“ - ამის შესახებ „ევროპული საქართველოს“ წევრმა სერგი კაპანაძემ პარლამენტის პლენარულ სხდომაზე განაცხადა.

მან სახალხო დამცველს კითხვით მიმართა.

„როდესაც თქვენ სიცოცხლის უფლებას მიმოიხილავთ, საუბარი გაქვთ ხორავას ქუჩაზე მომხდარი არასრულწლოვნების მკვლელობაზე. ამ კონკრეტული თემის აღწერისას გიწერიათ, რომ გამოძიების ტაქტიკა, შესაძლოა, არ ემსახურებოდა დამნაშავეთა გამოვლენის საჯარო ინტერესს და რომ სამოხელეო დანაშაულის ერთ-ერთი ან ორივე შემადგენლობა შეიძლება გამოკვეთილიყო: სამსახურებრივი გულგრილობა ან სამსახურებრივი უფლებამოსილების ბოროტად გამოყენება. არც ერთი ეს ნაწილი დღეს გამოძიებული არ არის. ანუ არ გვაქვს პასუხები კითხვაზე, თუ ვინ იყო დანაშაულის ჩამდენი. მეორე, როდესაც თქვენ საუბრობთ საარჩევნო უფლებაზე, იქ ძალიან ინტენსიურად გაქვთ მიმოხილული ძალადობრივი ინციდენტები, მათ შორის ახალქალაქში, ბოლნისში, ონში, რუსთავში, ბოდბეში, თიანეთში, თბილისში. აქაც ჩვენ ვხედავთ, რომ ან არის 3 000-ლარიანი გირაო ან გამოძიება მიმდინარეობს, ან ბრალდებულად ცნობილი არავინ არ არის. საარჩევნო უფლებაზე საუბრისას, ასევე მიმოხილული გაქვთ, რომ იყო ადმინისტრაციული რესურსის გამოყენების ფაქტები და იქაც არც ერთ ამ თემაზე ან გამოძიება არ არის დაწყებული, ან გამოვლენილი არავინ არ არის. მოკლედ, ერთი მხრივ, ასეთი ტიპის ვითარება გვაქვს. მეორე მხრივ, გვყავს 20 ივნისის საქმეზე დაკავებული ადამიანები. აქ ხომ არ იკვეთება გარკვეული ორმაგი სტანდარტი ხელისუფლების მხრიდან?“ - მიმართა კაპანაძემ ლომჯარიას.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს