სახალხო დამცველი მიიჩნევს, რომ  თუ პროკურატურა თემირლან მაჩალიკაშვილის საქმეზე დამაჯერებელ ინფორმაციას არ წარმოადგენს, პარლამენტმა საგამოძიებო კომისიის შექმნაზე უნდა იმსჯელოს

სახალხო დამცველი ნინო ლომჯარია მიიჩნევს, რომ იმ შემთხვევაში, თუ თემირლან მაჩალიკაშვილის საქმეზე პროკურატურა არ წარმოადგენს გამოძიების მიმდინარეობაზე დამაჯერებელ ინფორმაციას, პარლამენტმა საგამოძიებო კომისიის შექმნაზე მსჯელობა უნდა დაიწყოს. ამის შესახებ ნინო ლომჯარიამ პარლამენტში განაცხადა, სადაც მის ანგარიშს უსმენენ.

„ჩვენ პირდაპირ გვიწერია ანგარიშში, რომ იმ შემთხვევაში, თუ პროკურატურა და გენერალური პროკურორი არ წარმოადგენს თქვენსთვის საკმარის ინფორმაციას, როგორ მიმდინარეობს გამოძიება და არ იქნება ეს თქვენთვის დამაჯერებელი (ეს ნამდვილად სიცოცხლის უფლების დარღვევის უმნიშვნელოვანესი საქმეა), ვფიქრობ, ჩვენ არ გვრჩება სხვა ბერკეტი გარდა იმისა, რომ საქართველოს არლამენტმა დაიწყოს მსჯელობა საპარლამენტო საგამოძიებო კომისიის შექმნაზე,“- განაცხადა ნინო ლომჯარიამ.

გარდა ამისა, ნინო ლომჯარიას განცხადებით, დეპუტატებს ხშირად აქვთ შეკითხვები მიმდინარე სისხლის სამართლის საქმეებთან დაკავშირებით, რა ინფორმაციას ფლობს ომბუდსმენი, თუმცა სახალხო დამცველს სისხლის სამართლის მასალებთან წვდომა არ აქვს, რომ გამოძიების მიმდინარეობის შეფასება შეძლოს.

„სამწუხაროდ, ჩვენი მცდელობის მიუხედავად, საქართველოს პარლამენტმა მხარი არ დაუჭირა იმ კანონპროექტს, რომ ჩვენ გვქონოდა უფრო მეტი წვდომა მიმდინარე სისხლის სამართლის საქმეებზე,“- განაცხადა ომბუდსმენმა.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 05.06.2020
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით