არანაირი მტკიცებულება საქმეში არ არის, რომელიც ირიბად მაინც დაადასტურებდა ბრალეულობას,-ამის შესახებ არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგის ბრალდებით დაკავებული შვიდი პირისთვის წინასწარი პატიმრობის შეფარდების შემდეგ, ერთ-ერთი დაკავებულის ადვოკატმა ნოდარ ცინცაძე ჟურნალისტებს განუცხადა.

ადვოკატის თქმით, მას შემდეგ, რაც დასაბუთებული გადაწყვეტილება დაცვის მხარეს ჩაბარდება, ისინი გადაწყვეტილებას გაასაჩივრებენ.

"ვიცავ ერთ პირს. მისი გვარის და სახელის დასახელებისგან თავს შევიკავებ, მისივე თხოვნით. ეს არის პირი, რომელსაც მეგობრული ურთიერთობა აკავშირებდა ერთ-ერთ ბრალდებულთან და მისი ბრალდება არის ის, რომ თითქოს მან იცოდა რომ დანაშაული მზადდებოდა და ჩადენილი იყო და პოლიციას არ აცნობა. ე.ი ეს არის 376 მუხლი, რომელიც გულისხმობს ასეთი პირის მიერ ამ დანაშაულის ინფორმაციის პოლიციისათვის მიუწოდებლობას. არანაირი მტკიცებულება საქმეში არ არის, რომელიც ამას დაადასტურებდა, არათუ უტყუარად, ირიბად მაინც. არც ერთი მოწმე, არც ერთი გარეშე პირი არ ადასტურებენ და არ უთითებენ, რომ ამ ადამიანმა იცოდა, რამე.სატელეფონო კავშირი ჰქონდა თავის მეგობართან. ჩვენ ჩავიბარებთ დასაბუთებულ გადაწყვეტილებას და დიდი ალბათობით, გავასაჩივრებთ. სასამართლოს არ უთქვამს, რითი დაასაბუთა ეს გადაწყვეტილება"-განაცხადა ადვოკატმა ნოდარ ცინცაძემ