რუსეთმა და ჩინეთმა სირიის იდლიბის რეგიონში ცეცხლის შეწყვეტისა და ჰუმანიტარული სიტუაციის გაუმჯობესების შესახებ გაეროს რეზოლუციის პროექტს ვეტო დაადეს, - ამის შესახებ ინფორმაციას სააგენტო TASS-ი ავრცელებს.

რუსეთის ელჩმა გაეროში, ვასილი ნებეზნიამ, რეზოლუციის პროექტის ავტორები „ჰუმანიტარული საკითხის პოლიტიზირებაში“ დაადანაშაულა და აღნიშნა, რომ მათ რუსეთი მიზანმიმართულად აიძულეს ვეტო გამოეყენებინა.

„ჩვენი დასავლელი პარტნიორების არაკონსტრუქციული პოზიცია მათ რეალურ მიზნებს ააშკარავებს,“ - განაცხადა ნებეზნიამ და დასძინა, რომ დასავლეთი იდლიბში ტერორისტებს მფარველობს.

რეზოლუცია გაეროს უშიშროების საბჭოს გერმანიამ, ბელგიამ და ქუვეითმა წარუდგინეს და მას საბჭოს 12 ქვეყანამ -აშშ-მ, დიდმა ბრიტანეთმა, საფრანგეთმა, გერმანიამ, ბელგიამ, ქუვეითმა, კოტ-დ'ივუარმა, პერუმ, პოლონეთმა, დომინიკის რესპუბლიკამ, სამხრეთ აფრიკამ და ინდინეზიამ - მხარი დაუჭირეს.

რეზოლიცია იდლიბის რეგიონში არსებული კატასტროფული სიტუაციის გაუარესების თავიდან აცილების მიზნით, კონფქლიქტში ჩართულ მხარეებს საომარი მოქმედებების შეწყვეტისკენ მოუწოდებს. ის ასევე ითვალისწინებს იმათ დასჯას, ვინც რეგიონში ჰუმანიტარული კანონის დარღვევაზე არიან პასუხისმგებელნი.

დასავლეთი რუსეთსა და სირიას იდლიბის რეგიონის ჰუმანიტარულ ობიქტებზე იერიშის განხორციელებაში ხშირად ადანაშაულებს, თუმცა რუსეთიც და სირიაც ამ ბრალდებებს უარყოფენ.