გიორგი გახარიას გადადგომის მოთხოვნით პარლამენტთან აქციები ხვალიდან შეწყდება

რუსთაველის გამზირზე, პარლამენტის შენობასთან, პრემიერ-მინისტრ გიორგი გახარიას გადადგომის მოთხოვნით 3 თვის განმავლობაში მიმდინარე აქციები დღეს შეწყდება.

ამის შესახებ „ინტერპრესნიუსს“ აქციების ერთ-ერთმა ორგანიზატორმა, სამოქალაქო აქტივისტმა გიგა მაქარაშვილმა განუცხადა , თუმცა იქვე დასძინა, რომ რუსთაველზე ყოველი თვის 20 რიცხვში სიმბოლური აქციები გაიმართება.

რუსთაველზე გადაცემის ჩაწერაც აღარ მოხდება, რომელიც აქციების მსვლელობის პარალელურად მიმდინარეობდა. „სირცხვილიას“ წევრები მედიაკომპონენტის ნაწილში, გადაცემის იდეის შენარჩუნებას გეგმავენ, თუმცა დეტალებს: სად და რა ფორმატით გავა მათი გადაცემა, ამ ეტაპზე არ აკონკრეტებენ.

„ახლა ჩვენი მიზანია 2020 წლის არჩევნები ჩატარდეს გამჭვირვალედ, დემოკრატიულად და დარღვევების გარეშე. ამიტომაც ვაპირებთ დავიცვათ თითოეული ხმა და არ მივცეთ პრორუსულ ხელისუფლებას არჩევნების გაყალბების შესაძლებლობა. ამიტომ პირადად მე ვაპირებ ჩავიდე ყველა რაიონში, ყველა სოფელში, შევხვდე მოსახლეობას, შემოვიკრიბო სწორი ხედვებისა და იდეების მქონე ადამიანები და 2020 წლის არჩევნებზე ყველა უბანთან გვყავდეს ჩვენი წარმომადგენელი“, - განაცხადა გიგა მაქარაშვილმა და დასძინა, რომ დღეს, 19:00 საათზე აქცია ჩატარდება.

მისივე ინფორმაციით, ყოველდღიური აქციების დასრულების შემდეგ, ხვალიდან, აქციის მონაწილეები პარტიზანულ აქტივობაზე გადადიან და აპირებენ მივიდნენ მთელი საქართველოს მასშტაბით ყველგან, სადაც გიორგი გახარია მივა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს