ლევან ვეფხვაძის შეფასებით, ეროვნულ ბანკს საკმარისზე მეტი რესურსი აქვს, რომ სავალუტო ინტერვენციებით ბაზარი დაამშვიდოს

საქართველოს ბიზნესასოციაციის აღმასრულებელი დირექტორის ლევან ვეფხვაძის შეფასებით, ეროვნულ ბანკს საკმარისზე მეტი რესურსი აქვს, რომ სავალუტო ინტერვენციებით ბაზარი დაამშვიდოს. როგორც ლევან ვეფხვაძემ " ინტერპრესნიუსს" ლარის გაუფასურების საკითხის კომენტირებისას განუცხადა, საჭიროა ეროვნული ბანკის მხრიდან ჩარევა, თუმცა სებ-ის მზაობა ამ კუთხით არ ჩანს.

„ეროვნულმა ბანკმა 2018 წლის პირველი ნოემბრიდან რომ დაიწყო აქტიური ინტერვენცია ბაზარზე და დოლარის შესყიდვა 240 მილიონი დოლარი შეისყიდა. ვფიქრობ, მას აქვს საკმაოზე მეტი რესურსი და რეზერვი, რომ უკუინტერვენციები განახორციელოს სავალუტო ბაზარზე იმისათვის, რომ ბაზარი დაამშვიდოს. ამ კუთხით ჯერჯერობით ჩვენ მზაობას ვერ ვხედავთ. იყო ერთჯერადი 40 მილიონი დოლარის გატანა ბაზარზე, მაგრამ მხოლოდ 32 მილიონი გაიყიდა და ეს იყო იმის ინდიკატორი, რომ ბაზარზე რეალურად არა დოლარზეა მოთხოვნა და ფასი იმიტომ ავარდა, არამედ იმიტომ, რომ სპეკულაციური განწყობები იყო. შესაბამისად, ამ კუთხით ძალიან მნიშვნელოვანია ეროვნულმა ბანკმა აქტიურობა დაიწყოს და დაანახოს ბაზრის მონაწილეებს, რომ სპეკულაციის შემთხვევაში ის მზად იქნება ამ ურთიერთობებში ჩაერიოს. სებ-ის მხრიდან ინტერვენციის მოლოდინი, თავისთავად იმ სპეკულაციებს შეამცირებს, რომელიც შეიძლება დღეს ბაზარზე იყოს", - განაცხადა ლევან ვეფხვაძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა