თურქეთის თავდაცვითი მრეწველობის სამდივნოს უფროსის, ისმაილ დემირის განცხადებით, რუსეთში ნაყიდ საზენიტო-სარაკეტო კომპლექს „ეს 400“-ებს დეკემბრისთვის ააწყობენ, ხოლო 2020 წლის აპრილში აამოქმედებენ.
„ეს 400“-ების მიწოდება მალე დამთავრდება. ტექნიკური თვალსაზრისით ისინი უკვე დეკემბერში დისლოკაციის ადგილზე დადგება, მაგრამ ეს არ ნიშნავს, რომ ისინი გამოყენებისთვის მზად იქნებიან. რჩება პერსონალის მომზადება და რამდენიმე ტექნიკური მომენტი. ეს ყველაფერი გაზაფხულისთვის დასრულდება და სისტემები მზად აპრილში იქნება“, - განაცხადა დემირმა.
რუსული რაკეტსაწინააღმდეგო სისტემის მიწოდება თურქეთისთვის ივლისში დაიწყო და უკვე მეორე ეტაპი დამთავრდა. ამ კონტრაქტის წინააღმდეგი იყო ვაშინგტონი. ანკარამ რუსული იარაღი მაინც იყიდა და ამის გამო აშშ-მ თურქეთს უახლესი გამანადგურებლების „ეფ-35-ების მიწოდებაზე უთხრა უარი.