თეონა ჭალიძე -  სიღარიბის გამო მშობლები შვილებს არ უნდა შორდებოდნენ

მწარე რეალობაში ვართ. დედები შვილებს ტოვებენ სიღარიბის გამო, - ამის შესახებ ,,ახალი საქართველოს“ სოციალური მიმართულების ხელმძღვანელი თეონა ჭალიძე აცხადებს.

როგორც ახალი საქართველოდან“ „ინტერპრესნიუსს“აცნობეს, თეონა ჭალიძემ უკიდურეს სიღარიბეში მყოფი ოჯახების მხარდაჭერის მნიშვნელობაზე ისაუბრა. მისი თქმით, ოფიციალური სტატისტიკის მიხედვით, ბიოლოგიური ოჯახიდან სიღარიბის მიზეზით ბავშვის გამოყვანის მაჩვენებელი მაღალია.

„გუშინ გავრცელებულ წერილში, რომელიც დედამ ჩვილ ბავშვთან ერთად დატოვა, ვკითხულობთ ,,არ მაქვს ელემენტარული თანხა რომ მოგიარო. შენ ხომ იცი ჩემო პატარავ, რომ უკვე მესამე დღეა მშიერი ვარ, მაპატიე, რომ დედობა ვერ შევძელი. იქნებ ოდესმე შევხვდეთ კიდეც. შენთვის ვილოცებ“. ეს არის ტრაგედია, როცა სიღარიბის გამო მშობელი შვილს სამუდამოდ ან თუნდაც დროებით შორდება. თუმცა ეს ახალი აღარაა. ოფიციალური სტატისტიკის მიხედვით მაღალია სიღარიბის მიზეზით ბიოლოგიური ოჯახიდან ბავშვის გამოყვანის მაჩვენებელი. დღესდღეობით მინდობით აღზრდაშია 1525 ბავშვი, საიდანაცსაკმაოდ დიდი ნაწილი სწორედ სიღარიბის და ბიოლოგიურ ოჯახებში არასათანადო პირობების გამო არიან გამოყვანილი.

სახელმწიფო სათანადოდ არ ზრუნავს უკიდურეს სიღარიბეში მყოფი ოჯახებისა თუ მშობლების სახლმწიფოს სერვისების შესახებ ინფორმირებასა და მხარდაჭერაზე. სახალხო დამცველიც, სოციალურ მუშაკთა გაერთიანებაც ამახვილებს ამაზე ყურადღებას მაგრამ ამაოდ. ცნობისთვის დემოგრაფიული კატასტროფის წინაშე დგას ეს ქვეყანა და სახელმწიფო უნდა ზრუნავდეს და ახალისებდეს შობადობის გაზრდას. ოფიციალური სტატისტიკის მიხედვით 2014 წლიდან მოყოლებული დღემდე შობადობის კლებადი ტენდენციაა და პერსპექტივაც არაა სახარბიელო. აუცილებელია მარტოხელა მშობლების და მრავალშვილიანი ოჯახების მხარდასაჭერად მეტი მუშაობა. სიღარიბის გამო მშობლები შვილებს არ უნდა შორდებოდნენ, ამ რეალობაზე პასუხისმგებელი დღევანდელი მთავრობაა.“ - აცხადებს თეონა ჭალიძე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს