პარლამენტის წინ მიმდინარე აქციაზე პოლიტიკოსების სიტყვით გამოსვლები დასრულდა. აქციის ორგანიზატორების განცხადებით, დღეს აქცია მუსიკალური ნაწილით გაგრძელდება და სცენაზე მუსიკოსები გამოვლენ.

აქციის ორგანიზატორებმა საქართველოს, ნატო-ს, ევროკავშირისა და აშშ-ს დროშები აღმართეს და პრორუსულ პარტიებს მიმართეს, რომ პროდასავლური მოქალაქეები მათ დაასრულებენ.

პერმანენტული აქცია "სირცხვილია", რომელიც რუსთაველის გამზირზე სამი თვის განმავლობაში მიმდინარეობდა, დღეს დასრულდება, თუმცა აქციის ორგანიზატორების განცხადებით, ისინი პარლამენტის წინ ყოველი თვის 20 რიცხვში შეიკრიბებიან.

დღევანდელ მიტინგს შეუერთდნენ ოპოზიციური პოლიტიკური პარტიების წარმომადგენლები, სიტყვით გამოვიდა საზოგადოებრივი მოძრაობის "ლელო" დამფუძნებელი მამუკა ხაზარაძეც.