არჩილ თალაკვაძე - 23 სექტემბერიდან ვიწყებთ მოსამართლეობის კანდიდატურების განხილვას და  გამჭვირვალე პროცესს უზრუნველვყოფთ

23 სექტემბერიდან ვიწყებთ მოსამართლეობის კანდიდატურების განხილვას და უზრუნველვყოფთ დემოკრატიულ და მაქსიმალურად გამჭვირვალე პროცესს, - ამის შესახებ პარლამენტის თავმჯდომარემ არჩილ თალაკვაძემ საშემოდგომო სესიის 10 მთავარ გამოწვევაზე საუბრისას განაცხადა.

თალაკვაძის თქმით, საკანონმდებლო ორგანო აქტიურად იმუშავებს სასასმართლოს რეფორმაზე.

„მოგეხსენებათ, რომ დამოუკიდებელი სასამართლო, სანდო მართლმსაჯულება არის ჩვენი მოქალაქეებისთისთვის ძალიან მნიშვნელოვანი. ამიტომ, საშემოდგომო სესიის ფარგლებში, ჩვენ სასამართლო რეფორმის მეოთხე ტალღას განვახორციელებთ, სადაც ძალიან მნიშვნელოვანი თემები შედის. ეს არის იუსტიციის უმაღლესი სკოლის რეფორმა, ეს არის სასამართლოებში მოსამართლეთა დანიშვნის წესი და პროცესი, ამის უკეთ ორგანიზება და უკეთ დარეგულირება. ეს არის დისციპლინური სამართალწარმოება და ეს არის იუსტიციის უმაღლესი საბჭოს ანგარიშვალდებულების საკითხები. ბუნებრივია, ორშაბათიდან უკვე ვიწყებთ კანდიდატურების განხილვას და ჩვენ უზრუნველვყოფთ დემოკრატიულ და მაქსიმალურად გამჭვირვალე პროცესს. ყველა მოქალაქეს ექნება საშუალება თვალი ადევნოს მოსამართლეთა შერჩევის პროცესს და იმ გადაწყვეტილებებს, რასაც პარლამენტი მიიღებს ამ საკითხთან დაკავშირებით“, - აღნიშნა არჩილ თალაკვაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ