გიგა ბოკერია - ქართულმა საზოგადოებამ აჩვენა, რომ ის, რაზეც ერთიანდება, ჩვენი თავისუფლებაა

"ქართულმა საზოგადოებამ, აქტივისტების მეთაურობით, აჩვენა, რომ ის რაზეც ჩვენი საზოგადოების კრიტიკული მასა ერთიანდება, არის ჩვენი თავისუფლება,"- ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ ჟურნალისტებს განუცხადა, რითაც გამოეხმაურა 20 ივნისის შემდგომ მოვლენებსა და აქციას "სირცხვილია".

მისივე თქმით, მოქალაქეების მშვიდობიანი პროტესტის წყალობით, ივანიშვილს მოუწია მნიშვნელოვან დათმობაზე წასვლა და ეს არის პროპორციულ საარჩევნო სისტემაზე გადასვლა.

"ყველა იმ მოქალაქეს, ვინც 20 ივნისის ღამეს და მათ, ვინც მთელი ეს თვეები იქ იდგა, ჩვენმა საზოგადოებამ მადლობა უნდა უთხრას იმიტომ, რომ მათი მშვიდობიანი პროტესტის მიერ მნიშვნელოვანი შედეგია მოპოვებული. ივანიშვილს მოუწია მსხვილ დათმობაზე, დემოკრატიისთვის ძალიან მნიშვნელოვან რამეზე დაპირება - ეს არის პროპორციული არჩევნები, რომელიც ჯერ უნდა გაფორმდეს. გარდა ამისა, ეს აქცია და პროტესტი დიდი დარტყმა იყო რუსული პროპაგანდისთვის ჩვენი ქვეყნის შიგნით, სადაც ისინი ცდილობდნენ, რომ აეგორებინათ პროტესტი დასავლური ცივილიზაციის და თავისუფლების წინააღმდეგ. ამის ნაცვლად, ქართულმა საზოგადოებამ, ამ აქტივისტების მეთაურობით, აჩვენა, რომ ის, რაზეც ჩვენი საზოგადოების კრიტიკული მასა ერთიანდება, არის ჩვენი თავისუფლება. ეს დაუპირისპირდება ყველანაირ ხელისუფლებას, ვინც, საფრთხეს შეუქმნის ამ მომავალს,"- განაცხადა გიგა ბოკერიამ.

შეგახსენებთ, რომ 20 სექტემბერს, პარლამენტთან მიმდინარე საპროტესტო აქციის მონაწილეებს სიმბოლურად წითელი ბარათები დაურიგდათ. როგორც აქციის ორგანიზატორებმა განაცხადეს, ამ ბარათების დარიგებით გამოხატეს პოზიცია, რომ „ქართული ოცნების“ თავმდჯომარის, ბიძინა ივანიშვილის მმართველობა უნდა დასრულდეს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს