იაპონიაში ქარიშხალ „ტაპას“ შედეგად 13 ადამიანი დაშავდა. ამის შესახებ ინფორმაციას „როიტერსი“ ავრცელებს. ბოლო 3 დღის განმავლობაში იაპონიის სამხრეთ ნაწილში, ოკინავას პრეფექტურაში ქარიშხალი „ტაპა“ მძვინვარებს.
სინოპტიკოსების განცხადებით, ქარიშხლის სიჩქარე 180 კმ.სთ-ს აღემატება. ძლიერი ქარისა და წვიმის შედეგად პრეფექტურის გარკვეული ნაწილი დაიტბორა და საავტომობილო გადაადგილება შეფერხდა.
სტიქიის გამო 283 მიმართულებით ავიარეისები გაუქმდა. 33 000-ზე მეტ სახლს ელექტროენერგია ამ დრომდე არ მიეწოდება.