ძლიერი ქარის გამო, საგანგებო სიტუაციების მართვის სამსახურში თბილისიდან 270 შეტყობინება, რუსთავიდან კი - 25 შევიდა.

ქარმა გადააქცია მრავალწლოვანი ხეები, დაზიანებულია ელექტროსადენები და ავტომობილები. ქარმა თბილისსა და რუსთავში რამდენიმე საცხოვრებელ სახლს სახურავიც გადახადა.

თბილისში, დოლიძის ქუჩაზე, ხეების წაქცევის შედეგად ორი ადამიანი მსუბუქად დაშავდა.

სინოპტიკოსების პროგნოზით, თბილისში ქარი ღამის განმავლობაშიც შენარჩუნდება, ხოლო 22 სექტემბრიდან შედარებით შესუსტდება.