ისრაელის ოპოზოციური პარტია - „არაბთა გაერთიანებული სია” - მზადყოფნას გამოთქვამს, ახალი მთავრობის ჩამოსაყალიბებლად მხარი გენშტაბის ყოფილ ხელძღვანელს, ბენი განცის დაუჭიროს, - ამის შესახებ ინფორმაციას „ევრონიუსი“ ავრცელებს.

გამოცემის ინფორმაციით, თუკი ბენი განცის პარტია „ლურჯი და თეთრი“ და „გაერთიანებული სია“ კოალიციას შექმნიან, განცის მემარცხენე-ცენტრისტული ბლოკი ქნესეთში ნეთანიაჰუს მემარჯვენე ბლოკზე მეტ მანდატს მოიპოვებს, თუმცა უმრავლესობის მოსაპოვებლად საჭირო მანდატები ჯერჯერობით არცერთ მათგანს აქვს.

აღსანიშნავია, რომ ისრაელის პრეზიდენტმა რუვენ რივლინიმ ქვეყნის მთავრობის ფორმირებასთან დაკავშირებით, პარლამენტის ფრაქციებთან გუშინ ორდღიანი კონსულტაციები დაიწყო. ნეთანიაჰუს პარტია„ლიკუდის“ ლიდერებთან შეხვედრაზე პრეზიდენტმა განაცხადა, რომ თუკი ისინი და ბენი განცის პარტია „ლურჯი და თეთრი“ ძალებს გააერთიანებენ, ერთად შეძლებენ შექმნან სისტემა, რომელიც სტაბილური მთავრობის ფორმირებას შეუწყობს ხელს. „ეს არის ის, რაც ხალხს სურს და ამის იგნორი არც ერთმა ჩვენგანმა არ უნდა მოვახდინოთ,“ - განაცხადა რუვენ რივლინიმ.

ისრაელში საპარლამენტო არჩევნები გასულ კვირას გაიმართა. ნეთანიაჰუს პარტიას „ლიკუდს“ პარლამენტში 31 ადგილი ერგო, მისი მთავარი ოპონენტის, გენშტაბის ყოფილი უფროსის, ბენი განცის პარტიას „ლურჯი და თეთრი“ კი - 33. მესამე ადგილზეა “ არაბთა გაერთიანებული სია” 13 მანდატით, მეოთხეზე კი - თავდაცვის ყოფილი მინისტრის პარტია “ისრაელი ჩვენი სახლი”, რომელმაც 120 წევრიან საკანონმდებლო ორგანოში 8 მანდატი მოიპოვა.

იხილეთ ვიდეო: ისრაელის ოპოზიციური პარტია "არაბთა გაერთიანებული სია" - ქვეყნის პრემიერის პოსტზე ბენი განცს უჭერს მხარს