სასტუმრო „ბორჯომი ლიკანის“ საწყისი ფასი აუქციონზე 38 მილიონი დოლარი იქნება

„საპარტნიორო ფონდის“ ინფორმაციით, სასტუმრო „ბორჯომი ლიკანის“ გაყიდვის მიზნით აუქციონი ერთი ან ორი თვის ვადაში გამოცხადდება. სასტუმროს საწყისი ღირებულება 38 მილიონი დოლარია.

როგორც „ინტერპრესნიუსს“ საპარტნიორო ფონდში განუცხადეს, სასტუმროს პრივატიზებისთვის საინვესტიციო წინადადებები მზადაა და ინვესტორების მხრიდან ინტერესთა გამოხატვას ელოდებიან.

„მზად გვაქვს საინვესტიციო წინადადებები "ბორჯომი ლიკანის" გაყიდვასთან დაკავშირებით და დაგზავნილია ინვესტორებთან. ველოდებით მათი მხრიდან ინტერესთა გამოხატვას. დაახლოებით ერთ ან ორ თვეში გამოცხადდება აუქციონი და საკონკურსო პირობებით გამოვლინდება ინვესტორი, რომელიც სასტუმროს შეიძენს“, - აცხადებენ „საპარტნიორო ფონდში".

ამასთან, უწყებაში კანონმდებლობის მოთხოვნებიდან გამომდინარე, პოტენციური ინვესტორის შესახებ აუქციონის ჩატარებამდე, ინფორმაციას არ ასაჯაროებენ.

შეგახსენებთ, ხუთვარსკვლავიანი სასტუმრო „ბორჯომი ლიკანი“ ქართული და ყაზახური მხარის პარტნიორობით შეიქმნა და პროექტის ღირებულებამ 48 მლნ აშშ დოლარი შეადგინა. გასულ წელს RIXOS-ის ბრენდი,რომელიც სასტუმროს მართვაში 2015 წლიდან იყო, მართვიდან გავიდა და სასტუმრო დღემდე „ბორჯომი ლიკანის“ სახელით ოპერირებს. ამასთან, გასულ წელს „საპარტნიორო ფონდმა“ ყაზახური მხარისგან სასტუმროს აქციების 50% შეისყიდა და სს „ბორჯომი ლიკანი ინტერნეიშენალის“ 100% აქციების მფლობელი გახდა.

როგორც მიმდინარე წლის მაისში „საპარტნიორო ფონდის“ ხელმძღვანელმა დავით საგანელიძემ პარლამენტის დარგობრივი ეკონომიკისა და ეკონომიკური განვითარების კომიტეტის სხდომაზე განაცხადა, „საპარტნიორო ფონდი“ არც ერთ პროექტში მმართველი კომპანია არაა გარდა სასტუმრო „ბორჯომი ლიკანის“.

მისივე თქმით, „ბორჯომი ლიკანის“ პრივატიზებასთან დაკავშირებით მოლაპარაკებები იყო Marriott-თან, intercontinental-თან, swiss hotel-თან.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ