"იმ შემთხვევაში, თუ საქმე აღიძრა, აუცილებლად უნდა გამოიკითხოს პრეზიდენტიც", - ამის შესახებ "საერთაშორისო გამჭვირვალობა-საქართველოს“ აღმასრულებელმა დირექტორმა ეკა გიგაურმა განაცხადა. მან ისაუბრა პრეზიდენტის მიერ განხორციელებულ შეწყალების საკითხზე და ამასთან დაკავშირებით საქმის გამოძიებაზე.
"ეს გამოძიება არ დაიწყებოდა, რომ არა საზოგადოების დიდი აღშფოთება. იმ შემთხვევაში, თუ საქმე აღიძრა, აუცილებლად უნდა გამოიკითხოს პრეზიდენტიც. რაც შეეხება კორუფციას, სამწუხაროდ, პრეზიდენტს იმ რამდენიმე ათასი განცხადებიდან აქამდე განმარტება არ გაუკეთებია, თუ როგორ ამოარჩა 30 ადამიანი. მე ვიყავი შეწყალების კომისიის წევრი და ვიცი, რომ ვერ გამორიცხავ ვერავის და ყველა წევრი უნდა განიხილო. პრეზიდენტის უფლებაა, ნებისმიერ დროს შეიწყალოს პირი, თუმცა ამ პროცესში უნდა იყოს გამორიცხული რაიმე ინტერესები. ამიტომ, უნდა იყოს დაცული კრიტერიუმები. ბევრი კითხვაა, რომელსაც გამოძიებამ პასუხი უნდა გასცეს", - განაცხადა გიგაურმა.