ვარკეთილში მომხდარ ტრაგედიასთან დაკავშირებით ახალი დეტალები ხდება ცნობილი

ვარკეთილში გარდაცვლილი 16 წლის მოზარდის მეზობლების ინფორმაციით, ბიჭი მეგობართან იყო სტუმრად, როდესაც ტრაგედია მოხდა. როგორც „ინტერპრესნიუსის“ კორესპონდენტს დაღუპული ბიჭის მეზობლებმა განუცხადეს, მათი ვერსიით, ბიჭი 9-სართულიანი კორპუსის სახურავიდან გადმოვარდა, სადაც ის, სავარაუდოდ, მეგობრებთან ერთად იმყოფებოდა. მათი ინფორმაციით, სამართალდამცველებმა სახურავზე საგამოძიებო მოქმედებები ჩაატარეს.

დაღუპული მოზარდი 108-ე საჯარო სკოლის მე-11 კლასის მოსწავლე იყო. როგორც „ინტერპრესნიუსს“ 108-ე სკოლის ისტორიის მასწავლებელმა, ფიქრია ჯაბანიშვილმა განუცხადა, ის თვითმკვლელობას გამორიცხავს. მისი თქმით, 16 წლის ბიჭი სკოლაში არც ბულინგის მსხვერპლი ყოფილა და პრობლემები არც ოჯახში ჰქონდა.

"ოჯახში აბსოლუტურად არანაირი პრობლემა არ ჰქონდა. ორი სტუდენტი და ჰყავდა. ძალიან ხალისიანი ბავშვი იყო. რა მოხდა, არ ვიცით, ახლაც შოკში ვართ. ყველა გაოცებული ვართ. მე ვფიქრობ, უბედური შემთხვევა მოხდა. 27 სექტემბერთან დაკავშირებით ვატარებდით ღონისძიებას, პერფორმანსი უნდა გვქონოდა და ისიც აპირებდა აქტიურ მონაწილეობას“, - აცხადებს მასწავლებელი.

ვარკეთილში, მესამე მასივში, მაღალი სართულიდან 16 წლის ბიჭი გადმოვარდა და ადგილზე გარდაიცვალა. როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

იხილეთ ვიდეო: როგორ გამოიყურება სახურავი, საიდანაც, ერთ-ერთი ვერსიით, 16 წლის ბიჭი გადმოვარდა

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო