ირაკლი სესიაშვილი ლიეტუვას სეიმის წევრებს შეხვდა

თავდაცვისა და უშიშროების კომიტეტის თავმჯდომარე, ირაკლი სესიაშვილი ლიეტუვას სეიმის წევრებს შეხვდა, სადაც რუსული პროპაგანდის მიმართულებით არსებულ საერთო გამოწვევებზე, მისი გამკლავების გზებზე, ამ მიმართულებით ურთიერთგამოცდილების გაზიარებაზე და სამომავლო თანამშრომლობაზე ისაუბრეს.

შეხვედრისას, ყურადღება გამახვილდა საქართველოს ოკუპირებულ ტერიტორიებზე არსებული ვითარების შესახებ და საქართველოს ევროკავშირსა და ნატო-ში გაწევრიანების პერსპექტივებზე. სტუმრებმა, კიდევ ერთხელ დაადასტურეს ჩვენი ქვეყნის ტერიტორიული მთლიანობისა და სუვერენიტეტის ასევე, საქართველოს ევროკავშირში და ნატოში ინტეგრაციის მიმართ თავიანთი ქვეყნის ურყევი მხარდაჭერა.

„ლიეტუვა ჩვენი ქვეყნის გამოკვეთილი მხარდამჭერია, რომელიც ყოველთვის, ყველა საერთაშორისო ფორმატში, მხარს უჭერს საქართველოს ტერიტორიულ მთლიანობას, საქართველოს ევროკავშირში და ნატოში ინტეგრაციას. ბალტიის ქვეყნების პარლამენტის წევრები ყოველთვის, ყველა დონეზე არიან ჩვენი პოლიტიკური მხარდამჭერები. ჩვენ გვაქვს საერთო გამოწვევები მათ შორის, ერთ-ერთი მთავარი საერთო გამოწვევა ეს არის რუსული პროპაგანდა, ფეიკ ნიუსები, რუსული პოლიტიკის მცდელობა შემოაღწიონ ჩვენი ქვეყნის შიდა პოლიტიკაში. ეს აწუხებს ბალტიის სამივე ქვეყანას მათ შორის, ლიეტუვასაც. მათ აინტერესებდათ ჩვენი გამოცდილება ისევე, როგორც ჩვენ გვაინტერესებს მათი გამოცდილება - თუ როგორ ებრძვიან ასეთი ტიპის გამოწვევებს. ჩვენ გავცვალეთ აზრები“, - განაცხადა ირაკლი სესიაშვილმა.

ლიეტუვას სეიმის წევრებთან შეხვედრაში თავდაცვისა და უშიშროების კომიტეტის წევრი, პაატა მხეიძეც მონაწილეობდა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება