გედევან ფოფხაძე მერაბ გაბინაშვილს - თქვენმა გადაწყვეტილებებმა ბოლო მოუღო სააკაშვილს, თქვენნაირი კანდიდატების მხარდაჭერა ბოლოს მოუღებს „ოცნებას“

მიმაჩნია, რომ თქვენმა პოზიციამ და გადაწყვეტილებებმა ბოლო მოუღო მიხეილ სააკაშვილს, თქვენნაირი კანდიდატების მხარდაჭერა ბოლოს მოუღებს „ქართულ ოცნებას“,-ასე მიმართა პარლამენტის დამოუკიდებელმა დეპუტატმა გედევან ფოფხაძემ უზენაესი სასამართლოს მოსამართლეობის კანდიდატს მერაბ გაბინაშვილს, პარლამენტის იურიდიულ საკითხთა კომიტეტის სხდომაზე.

მანამდე გედევან ფოფხაძე დაინტერესდა, მოსამართლეობის კანდიდატის პასუხით , თუ რა რეჟიმი მოქმედებდა გერმანიის დემოკრატიულ რესპუბლიკაში, რაზეც მერაბ გაბინაშვილისგან პასუხი ვერ მიიღო. ამის შემდეგ გედევან ფოფხაძემ გაბინაშვილს გერმანიის დემორკატიულ რესპუბლიკაში „მოსამართლეების ბედი“ შეახსენა.

„გერმანიის დემოკრატიულ რესპუბლიკასთან დაკავშირებით მაინტერესებს. ხომ იცით, რომ ასეთი სახელმწიფო არსებობდა? მე ეჭვის ქვეშ არ ვაყენებ, რომ იცით ისტორია და იცით გერმანიის დემოკრატიული რესპუბლიკის ისტორიაც. როცა გერმანიის ფედერაციული და დემოკრატიული რესპუბლიკების გაერთიანება მოხდა, თქვენთვის ცნობილია გერმანიის დემოკრატიულ რესპუბლიკაში მოსამართლეების ბედი როგორ გადაწყდა?“-იკითხა ფოფხაძემ, რაზეც მოსამართლეობის კანდიდატმა უპასუხა, რომ ნაწილი თავად წავიდა სისტემიდან, ნაწილი კი პასუხისგებაში მისცეს და დაამატა, რომ გედევან ფოფხაძის კონტექსტი მისთვის მიუღებელია.

ცნობისთვის, იურიდიულ საკითხთა კომიტეტის სხდომაზე უზენაესი სასამართლოს მოსამართლეობის კანდიდატს მერაბ გაბინაშვილს უსმენენ. მერაბ გაბინაშვილი თბილისის სააპელაციო სასამართლოს უვადო მოსამართლეა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს