არამგონია, რომ ეკა ბესელიამ ფარულ ჩანაწერებზე განცხადება ზერელედ, ყოველგვარი დასაბუთების გარეშე გააკეთა, - ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ ჟურნალისტებს განუცხადა.
მისი ვარაუდით, ბესელიას ფარულ ჩანაწერებთან დაკავშირებით ინფორმაციის წყარო აქვს.
„ეკა ბესელია, რომელიც მრავალი წელი ადვოკატი იყო, რომელიც 6 წლის განმავლობაში იურიდიულ საკითხთა კომიტეტის თავმჯდომარე იყო და ძალიან დიდ ინფორმაციას ფლობდა, რა თქმა უნდა, მას ექნება ინფორმაციის ის წყარო, რომელიც მისი ამ განცხადების სისწორეში ეჭვს არ შეგვატანინებს. არამგონია, რომ მან განცხადება ზერელედ, ყოველგვარი დასაბუთების გარეშე გააკეთა. ბუნებრივია, ის წყაროს არ დაასახელებს. ხელისუფლება კი ვალდებულია, სასწრაფოდ დაიწყოს გამოძიება. პოლიტიკურად საჭირო ადამიანების დაქვემდებარებისთვის ამ ხელისუფლების ერთ-ერთი მნიშვნელოვანი ინსტრუმენტი შანტაჟი გახდა. შანტაჟი არ არის მხოლოდ პირადი ცხვოვრების ამსახველი კადრების გამომზეურება. აშატაჟებენ ბიზნესმენებს საგადასახადო თუ სხვა საკითხებით. აი, ყურმოჭრილად უზით ბიზნესმენი დეპუტატები, რომლებსაც ყოველთვის ააწევინებენ ხელს“, - განაცხადა რომან გოცირიძემ.