რომან კაკულია - ტყიბულში მიმდინარე პროცესები ნამდვილად იმსახურებს საკომიტეტო მოსმენებს

ტყიბულში მიმდინარე პროცესები ნამდვილად იმსახურებს საკომიტეტო მოსმენებს, - ამის შესახებ დარგობრივი ეკონომიკის კომიტეტის თავმჯდომარე რომან კაკულიამ ჟურნალისტებს განუცხადა, რითაც გამოეხმაურა ტყიბულელი მაღაროელების პრობლემებს. კაკულია აღნიშნულ საკითხთან დაკავშირებით ეთანხმება დამოუკიდებელი დეპუტატის, ბექა ნაცვლიშვილის განცხადებას, რომ საჭიროა ამ საკითხთან დაკავშირებით ეკონომიკის მინისტრი ნათია თურნავა პარლამენტში მივიდეს.

„იქ მიმდინარე პროცესები საკომიტეტო მოსმენებს ნამდვილად იმსახურებს. ხვალ ქალბატონ ნათიასთან შეხვედრა მაქვს ამ და სხვა საკითხებთან დაკავშირებითაც. დროის მიზანშეწონილებას, იქიდან გამომდინარე, რა ღონისძიებებიც აქვს დაგეგმილი თავად მთავრობას, ჩვენ შევთანხმდებით, მაგრამ ვეთანხმები, რომ აუცილებლად საჭიროა მთლიანობაში კომიტეტმა მოისმინოს სამომავლო გეგმებიც, აქამდე მიღწეული შედეგებიც“, - აღნიშნა კაკულიამ.

ჟურნალისტების კითხვაზე, საჭიროა თუ არა, რომ სახელმწიფომ უფრო მკაცრი მიდგომა გამოიჩინოს კომპანიების მიმართ, როდესაც საქმე დასაქმებულის უფლებებს ეხება, კაკულიამ უპასუხა, რომ გარკვეული სიმკაცრე საჭიროა.

„უნდა დაგეთანხმოთ. აქ ალბათ იკვეთება ასეთი დამოკიდებულება, რაც ერთი შეხედვით ასე ჩანს, რომ გარკვეული სიმკაცრე საჭიროა ნამდვილად იმ ინსტრუმენტების ფარგლებში, რომელიც სახელმწიფოს გააჩნია. სწორედ მაგას ნიშნავს საკომიტეტო მოსმენა, რომ ჩვენ დავრწმუნდეთ, რამდენად რეალურად იყო გამოყენებული ყველა ინსტრუმენტი, რაც სახელმწიფოს აქვს,"- აღნიშნა კაკულიამ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა