ანრი ოხანაშვილი - ეკა ბესელია არ არის აქტუალური არც ამომრჩევლისთვის, არც იურიდიული სფეროს წარმომადგენლებისთვის და არც პარლამენტისთვის

ეკა ბესელია არ არის აქტუალური არც ამომრჩევლისთვის, არც იურიდიული სფეროს წარმომადგენლებისთვის და არც პარლამენტისთვის, ამიტომ მე მისი კომენტარი არ მიმაჩნია სერიოზულად, რომ რაიმე განცხადება გავაკეთო, - ასე ეხმიანება იურიდიული კომიტეტის თავმჯდომარე ანრი ოხანაშვილი ეკა ბესელიას დღევანდელ განცხადებებს, რომლებითაც ის ოხანაშვილს და მმართველი გუნდის სხვა წევრებს აკრიტიკებს.

„როცა თავს დებ უფლებადამცველობაზე და აცხადებ ასეთ ბრალდებას პარლამენტის წევრთან მიმართებით, რომ თურმე, ვიღაც არის შანტაჟის ქვეშ და ხარ მოწოდებით უფლებადამცველი, როგორც მას წარმოუდგენია და არ ცხადდები საგამოძიებო ორგანოში, რომ ითანამშრომლო და მისცე ჩვენება იმ ადამიანთან დაკავშირებით, რომელიც მისი განცხადებით, არის რისკის ქვეშ, რომ მას აშანტაჟებენ, იქ იმსხვრევა მითი, ე. წ. უფლებადამცველობის შესახებ,“- განაცხადა ანრი ოხანაშვილმა.

მისივე თქმით, ეს არის სპეკულაცია და მცდელობა, რომ კამერების ობიექტივში მოხვდეს ადამიანი.

მას შემდეგ რაც ჟურნალისტებმა ანრი ოხანაშვილს შეახსენეს, რომ ეკა ბესელია ორშაბათს გეგმავს პროკურატურაში გამოცხადებას, დეპუტატმა განაცხადა, რომ არ იცის ამის შესახებ. მას შემდეგ რაც ჟურნალისტმა აღნიშნულთან დაკავშირებით რამდენჯერმე ჰკითხა ოხანაშვილს, მან ჟურნალისტს მიმართა -„თქვენ ეკა ბესელიას ადვოკატი ხართ?“

„ ვიცი, რომ იყო დაბარებული და არ გამოცხადდა, გეკითხებით, ორშაბათამდე ადამიანი თუ დააშანტაჟეს და მისი უფლება დაირღვა, სად არის თქვენი უფლებადამცველობა მაშინ? ნუ იქნებით ადვოკატები“, - განუცხადა ჟურნალისტებს ანრი ოხანაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს