„ნაციონალური მოძრაობა“  სერგეი ლავროვთან შეხვედრასთან დაკავშირებით, დავით ზალკალიანს პარლამენტში დაიბარებს

დავით ზალკალიანისა და სერგეი ლავროვის ასეთ ფორმატში შეხვედრა არის რუსეთის მცდელობა, ჩაშალოს ჟენევის მოლაპარაკების ფორმატი და დაგვტოვოს მარტო საერთაშორისო მონაწილეების გარეშე. ამის შესახებ „ინტერპრესნიუსს“ საპარლამენტო ფრაქცია „ერთიანი ნაციონალური მოძრაობის“

თავმჯდომარემ რომან გოცირიძემ, განუცხადა.

მისი თქმით, ფრაქცია „ნაციონალური მოძრაობა“ საკომიტეტო მოსმენის ფორმატში, საქართველოს საგარეო საქმეთა მინისტრს, დავით ზალკალიანს, პარლამენტში დაიბარებს, რათა ამ შეხვედრის შინაარსისა და მიზანშეწონილობის შესახებ ამომწურავი ინფორმაცია მიაწოდოს.

„ფაქტობრივად, ყველაფერი ვითარდება იმ სცენარით, რაზეც გავრილოვი არაერთხელ საუბრობდა რუსულ მედიასთან. რეპრესიების მოთხოვნა, ანტისაოკუპაციო საპროტესტო აქციის მონაწილეთა დასჯა და ა. შ. მისი ბოლო განცხადებით იგი მიესალმა გახარიას დანიშვნას პრემიერ-მინისტრად და გამოთქვა იმედი პირდაპირი დიალოგის დაწყების თაობაზე. ლავროვის უტიფარი განცხადება, რომ საქართველოში ჩამოყალიბდა ”შერაცხადი მთავრობა” და შესაძლებელია მათთან თანამშრომლობა, ამ გეგმის დამაგვირგვინებელი ნაწილი იყო. ასეთ ფორმატში შეხვედრა არის რუსეთის მცდელობა, ჩაშალოს ჟენევის მოლაპარაკების ფორმატი და დაგვტოვოს მარტო საერთაშორისო მონაწილეების გარეშე. ეს არის პირველი ნაბიჯი. შემდეგი მოქმედებები (შანტაჟის, დაყვავების, მათრახისა თუ თაფლაკვერის პოლიტიკის გამოყენება) საბოლოოდ ჟენევის ფორმატის ფორმალურ მექანიზმად გადაქცევას მოემსახურება. მსგავსი დონის შეხვედრის გამართვა საზოგადოებისგან ფარულად დაუშვებელია. ამ და მრავალ სხვა კითხვაზე პასუხის გაცემა საგარეო საქმეთა მინისტრს პარლამენტში მოუწევს“,-განაცხადა რომან გოცირიძემ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა