საქართველო საქმიანი ტურიზმის მასშტაბურ საერთაშორისო სემინარს უმასპინძლებს

პირველად საქართველოში გაეროს მსოფლიო ტურიზმის ორგანიზაციის (UNWTO) და მსოფლიო საქმიანი ტურიზმის ასოციაციის (ICCA) ეგიდით, 2019 წლის დეკემბერში, საერთაშორისო საქმიანი ტურიზმის სემინარი გაიმართება.

როგორც „ინტერპრესნიუსს“ საქართველოს ტურიზმის ეროვნული ადმინისტრაციიდან აცნობეს, ღონისძიების მასპინძლად საქართველო მრავალ ქვეყანას შორის შეირჩა. სემინარი ტურიზმის ეროვნული ადმინისტრაციის ინიციატივით და გაეროს მსოფლიო ტურიზმის მხარდაჭერით გაიმართება.

მათივე ინფორმაციით, ტურიზმის ეროვნულმა ადმინისტრაციამ მიიღო გადაწყვეტილება, რომ აღნიშნული ღონისძიება ბათუმში ჩატარდეს, რაც მნიშვნელოვანი ხელშეწყობაა აჭარაში ზამთრის სეზონზე საერთაშორისო და შიდა ტურიზმის განვითარებისათვის.

ღონისძიების ჩატარების შესახებ დეტალები მადრიდში, ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა და გაეროს მსოფლიო ტურიზმის ორგანიზაციის გენერალურ მდივანმა ზურაბ პოლოლიკაშვილმა შეხვედრაზე განიხილეს.

„მოხარულები ვართ, რომ ბევრი შრომისა და მონდომების შედეგად საქართველოში ასეთი მნიშვნელოვანი საქმიანი ტურიზმის ღონისძიება გაიმართება. ერთი მხრივ, ეს დაეხმარება აჭარის რეგიონს და მის პოზიციონირებას, როგორც ოთხსეზონიანი ტურისტული მიმართულება, მეორე მხრივ, ჩვენ ხელს შევუწყობთ ადგილობრივი კერძო სექტორის წარმომადგენლებს და ჩვენი საკონვენციო ბიუროს წევრებს, რომ სრულიად უსასყიდლოდ დაესწრონ საქმიანი ტურიზმის სემინარს, რომელსაც ICCA და UNWTO მსოფლიო დონის ექსპერტები გაუძღვებიან”, - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

„მიმდინარე წლის დეკემბერში ძალიან საინტერესო სემინარის ჩატარების შესახებ შევთანხმდით, ვფიქრობ, ეს კარგი ინსტრუმენტი იქნება, რომ საქართველო წარმოჩინდეს როგორც საქმიანი ტურიზმის კუთხით განვითარებული ქვეყანა. ვფიქრობ ეს სემინარი ხელს შეუწყობს ადგილობრივ კომპანიებს მიიღონ საერთაშორისო გამოცდილება და დაამყარონ საქმიანი კონტაქტები უცხოელ კოლეგებთან“, - აცხადებს გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი.

დიმიტრი შველიძე - ორიენტაციული არჩევნები გვაქვს, ან გაიმარჯვებენ მედასავლეთეები, ან პროჩრდილოელები, ან მედროვეები
ქართული პრესის მიმოხილვა 01.10.2020
კარლ ჰარცელი - სოფლად ორჯერ მაღალია სიღარიბის მაჩვენებელი, რაც ნიშნავს, რომ ეს საკითხი მეტ ყურადღებას საჭიროებს  - ევროკავშირი მხარს უჭერს საქართველოში სოფლის განვითარებას
"სილქნეტი" მომხმარებელს 29 სექტემბერს მობილურ ქსელში დაფიქსირებული შეფერხების შესახებ ინფორმაციას აწვდის და შექმნილი დისკომფორტისთვის ბოდიშს უხდის
"სილქნეტი" კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ განცხადებას ავრცელებს
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს