სოფო კილაძე - მაკვირვებს, რატომ უნდა ოპოზიციას იყოს დასავლეთზე მეტი დასავლელი, მაშინ, როდესაც ყველა ჩვენი პარტნიორი ზალკალიანი-ლავროვის შეხვედრას მიესალმება

მაკვირვებს, რატომ უნდა ჩვენს ოპოზიციას იყოს დასავლეთზე მეტი დასავლელი, მაშინ, როდესაც ყველა ჩვენი პარტნიორი ზალკალიანი-ლავროვის შეხვედრას მიესალმება, - ამის შესახებ ადამიანის უფლებათა დაცვის კომიტეტის თავმჯდომარე სოფო კილაძემ ჟურნალისტებს განუცხადა.

მისი თქმით, ხელისუფლება გამოიყენებს ყველა პლატფორმას, ქვეყნის ინტერესებისთვის.

„კარგია ის, რომ ამას დადებითი გამოხმაურება მოჰყვა ჩვენი დასავლელი პარტნიორების მხრიდან, განსაკუთრებით აღვნიშნავდი ამერიკის შეერთებულ შტატებს.

მე უბრალოდ მაკვირვებს, რატომ უნდა ჩვენს ოპოზიციას იყოს დასავლეთზე მეტი დასავლელი, მაშინ, როდესაც ყველა ჩვენი პარტნიორი ამ შეხვედრას მიესალმება, სწორედ ჩვენი ქვეყნის ინტერესებიდან გამომდინარე”,- განაცხადა კილაძემ.

შეგახსენებთ, გაერო-ს გენერალური ასამბლეის 74-ე სესიის ფარგლებში, შვეიცარიის კონფედერაციის ორგანიზებით, საქართველოს საგარეო საქმეთა მინისტრის დავით ზალკალიანის და რუსეთის ფედერაციის საგარეო საქმეთა მინისტრის სერგეი ლავროვის შეხვედრა გაიმართა.

როგორც საქართველოს საგარეო საქმეთა სამინისტრო იუწყება, ქართული მხარის მიერ დაისვა საქართველოს ტერიტორიების დეოკუპაციის საკითხი, საუბარი შეეხო არსებული უსაფრთხოების გარემოსა და ოკუპირებულ ტერიტორიებზე განვითარებული პროცესებს, ასევე საქართველო-რუსეთის ურთიერთობებში არსებულ პრობლემურ საკითხებს. რუსეთის საგარეო უწყების ცნობით კი, შეხვედრაზე მხარეებმა ორმხრივი ურთიერთობების დღის წესრიგით გათვალისწინებული აქტუალური საკითხები განიხილეს, ასევე, გაცვალეს აზრები რეგიონალური უსაფრთხოების პრობლემატიკასთან დაკავშირებით.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით