ჩინეთის საერთაშორისო ვაჭრობის უმსხვილესი კორპორაცია, შანხაიში ქართული პროდუქტების იმპორტის მხარდაჭერას „საპარტნიორო ფონდთან“ თანამშრომლობით გეგმავს

„საპარტნიორო ფონდს“ ჩინეთის უმსხვილესი საერთაშორისო ვაჭრობის კორპორაცია „DLG International Trade Group“ -ის დელეგაცია ეწვია.

როგორც „ინტერპრესნიუსს“ „საპარტნიორო ფონდიდან“ აცნობეს, საქართველოში ოფიციალური ვიზიტით მყოფი ჩინეთის დელეგაცია ქვეყნის საინვესტიციო შესაძლებლობებს ეცნობა და „საპარტნიორო ფონდთან“ პარტნიორობით ქართული ნატურალური პროდუქტების შანხაისა და ნანძინში იმპორტის ხელშეწყობას გეგმავს. ამასთან, ჩინეთის საერთაშორისო ვაჭრობის კორპორაცია ფონდის ჩართულობით ქართველ მეწარმეებს ამა წლის ნოემბერში დაგეგმილი ჩინეთის ყოველწლიურ საერთაშორისო იმპორტის გამოფენაზე იწვევს.

ჩინურ კორპორაცია „DLG International Trade Group“-ს წელიწადში 15 მლრდ-ზე მეტი მოცულობის ბრუნვა აქვს და ექსპორტის მომსახურების, საერთაშორისო ვაჭრობისა და ადამიანის რესურსების მართვის მიმართულებით მუშაობს. დელეგაციას კორპორაციის პრეზიდენტი დევიდ ხუა ხელმძღვანელობს.

„დაინტერესებულები ვართ, რაც შეიძლება მეტი ქართული პროდუქტი იყოს წარმოდგენილი შანხაის ბაზარზე. ჩვენ ქართული პროდუქტის გაყიდვების ხელშეწყობასთან დაკავშირებით გრძელვადიანი თანამშრომლობის იმედი გვაქვს, რასაც ჩინეთში დაგეგმილი საერთაშორისო იმპორტის გამოფენა და ასევე, შანხაისა და ნინძინში გრძელვდიანი საგამოფენო სივრცეების ათვისებაც შეუწყობს ხელს“, - განაცხადეს ჩინეთის საერთაშორისო ვაჭრობის კორპორაციის წარმომადგენლებმა.

ფონდში გამართულ შეხვედრაში მონაწილეობა ჩინეთის უმსხვილესი საერთაშორისო სავაჭრო კორპორაცია „DLG International Trade Group“ -ისა და Donaghao Lansheng Group-ის წარმომადგენლებმა მიიღეს. „საპარტნიორო ფონდის“ მენეჯმენტმა ჩინეთის მხარეს ფონდში მიმდინარე პროექტები გააცნეს. შეხვედრაზე მხარეებმა საქართველო-ჩინეთის პარტნიორობის გაღრმავების, ერთობლივი პროექტების განხორციელებისა და ორ ქვეყანას შორის არსებული „თავისუფალი სავაჭრო ურთიერთობების“ ხელშეკრულების ფარგლებში, გააქტიურების შესახებ იმსჯელეს.

„საპარტნიორო ფონდი მზად არის, ქართულ კომპანიებს ჩინეთის უდიდესი ბაზრის ათვისებასა და ქართული ნატურალური პროდუქტების პოპულარიზაციაში დაუჭიროს მხარი, რაც ორ ქვეყანას შორის სავაჭრო-ეკონომიკური ურთიერთობების განვითარებას კიდევ უფრო შეუწყობს ხელს“, - განაცხადა ფონდში გამართულ შეხვედრაზე „საპარტნიორო ფონდის“ აღმასრულებელი დირექტორის მოადგილე გიორგი დანელიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს