მამუკა მდინარაძე პრეზიდენტის გაეროში გამოსვლაზე - ვერ ვიტყვით, რომ რამე დააკლო გამოსვლას, თუმცა შეიძლება კიდევ უკეთესი ყოფილიყო - კიდევ უფრო მკაფიო, კიდევ უფრო ხისტი

საპარლამენტოს ფრაქცია „ქართული ოცნების“ თავმჯდომარის მამუკა მდინარაძის განცხადებით, საქართველოს პრეზიდენტს სალომე ზურაბიშვილს გაეროს გენერალურ ასამბლეაზე კარგი გამოსვლა ჰქონდა, თუმცა შეიძლებოდა, რომ კიდევ უფრო უკეთესი, ხისტი და მკაფიო ყოფილიყო. აღნიშნული პოზიცია ქართული ოცნების თავმჯდომარემ „პალიტრანიუსის“ გადაცემაში „პოლიტ-ქალაქი“ დააფიქსირა.

ჟურნალისტის კითხვაზე, შედიოდა თუ არა ეროვნულ ინტერესებში ის, რომ სალომე ზურაბიშვილს გაეროს გენერალური ასამბლეის ტრიბუნიდან ერთხელ მაინც მკაფიოდ ეხსენებინა, რომ რუსეთი არის ოკუპანტი და არის თუ არა ამის მიმართ კრიტიკული მდინარაძემ უპასუხა - „დიახ, მინდა რომ ობიექტური ვიყო.“

„ვერ ვიტყვით, რომ რამე დააკლო გაეროში გამოსვლას, თუმცა შეიძლება კიდევ უკეთესი ყოფილიყო. კიდევ უფრო მკაფიო, კიდევ უფრო ხისტი. მაგრამ, საბოლოო ჯამში, უნდა ვაღიაროთ, რომ გამოსვლა ჰქონდა ძალიან კარგი შეეხო ყველა თემას, არ გამოუტოვებია მნიშვნელოვანი თემები და ქვეყნის ძირითადი გამოწვევები. ზოგადად ჩვენ, საერთაშორისო ასპარეზზე წარმატების დიდი დიაპაზონი არ გვაქვს და ამ დიაპაზონში მაქსიმალურს ვაკეთებთ. განსხვავებით 2008-2012 წლებისა, როდესაც ჰააგაში რეალური მტკიცებულებებიც არ ჰქონიათ წარდგენილი“, - განაცხადა მამუკა მდინარაძემ.

იხილეთ ვიდეო

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში