არჩილ თალაკვაძე - ხელისუფლება არ დაუშვებს არცერთ ემოციურ ნაბიჯსა და შეცდომას, რომელმაც შეიძლება დააზიანოს ჩვენი ქვეყნის ეროვნული ინტერესები

საქართველოს ხელისუფლება არ დაუშვებს არცერთ ემოციურ ნაბიჯსა და შეცდომას, რომელმაც შეიძლება დააზიანოს ჩვენი ქვეყნის ეროვნული ინტერესები, - ასე გამოეხმაურა პარლამენტის თავმჯდომარე არჩილ თალაკვაძე საქართველოს საგარეო მინისტრის დავით ზალკალიანისა და რუსეთის საგარეო საქმეთა მინისტრის სერგეი ლავროვის შეხვედრას.

მისი თქმით, საქართველოს საგარეო საქმეთა მინისტრისა და რუსეთის საგარეო საქმეთა მინისტრის შეხვედრა, რომელიც გაეროს გენერალური ასამბლეის ფარგლებში შედგა, მხარდაჭერილი იყო საერთაშორისო პარტნიორების მხრიდან და

ის ეხებოდა ქვეყნისთვის მნიშვნელოვან საკითხებს, მათ შორის დეოკუპაციას, ეროვნულ ინტერესებს.

"საერთაშორისო საზოგადოება, ჩვენი პარტნიორები მიესალმებიან, რომ გამოყენებული იყოს ყველა შესაძლებლობა, რათა ეს პროცესი ჩიხიდან გამოვიდეს და მოხდეს სიტუაციის დეესკალაცია. ჩვენი პოლიტიკა, საგარეო პოლიტიკა და დეოკუპაციის პოლიტიკა არის პრაგმატული, პასუხისმგებლიანი და საქართველოს ხელისუფლება არ დაუშვებს არცერთ ემოციურ ნაბიჯსა და შეცდომას, რომელმაც შეიძლება დააზიანოს ჩვენი ქვეყნის ეროვნული ინტერესები," - აღნიშნა არჩილ თალაკვაძემ.

მისი თქმით, დავით ზალკალიანი, ოპოზიციის მოთხოვნის გაჟღერებამდეც აპირებდა პარლამენტში მინისტრის საათის ფორმატში მისვლას.

"მეტსაც გეტყვით ოპოზიციის პასუხად, მან გადმოწია უფრო ადრე მინისტრის საათის ფორმატში მოსვლა, შესაბამისად, ოპოზიცია სჯობს, მოემზადოს ჩამჭრელი კითხვებისთვის," - განაცხადა არჩილ თალაკვაძემ.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა