მომხრეა თუ მოწინააღმდეგეა, ერთ რამეზე უნდა შევთანხმდეთ - პროპორციული არჩევნები არის გამოსავალი, რომ პოლიტიკურმა პარტიებმა პასუხისმგებლობა იგრძნონ ამომრჩევლის წინაშე, - ამის შესახებ საპარლამენტო უმრავლესობის ლიდერმა გია ვოლსკიმ ეროვნულ ბიბლიოთეკაში საქართველოს კონსტიტუციური კანონის პროექტების საყოველთაო-სახალხო განხილვის დასრულების შემდეგ განაცხადა.

მისი თქმით, დღეს კონსტიტუციური კანონის პროექტების ფინალურ საყოველთაო-სახალხო განხილვის პროცესში საკმაოდ კრიტიკული გამოსვლებიც იყო.

"მომხრეა თუ მოწინააღმდეგეა, ერთ რამეზე უნდა შევთანხმდეთ. პროპორციული არჩევნები არის გამოსავალი, რომ პოლიტიკურმა პარტიებმა პასუხისმგებლობა იგრძნონ ამომრჩევლის წინაშე, რომლებიც შეიძლება რადიკალურად განსხვავდებიან ერთმანეთისგან, მაგრამ მთავარი პრინციპი აქვთ წინ წამოწეული. ეს არის ის, რომ ჩვენმა მომავალმა თაობამ უნდა იცხოვროს სტაბილურ და მშვიდობიან ქვეყანაში. საზოგადოებამ უნდა იგრძნოს შვება იმისგან, რომ პარტიები ერთმანეთთან ასეთ დონეზე არიან დაპირისპირებული. ყველამ კეთილი ვინებოთ და შევასრულოთ ის, რასაც საზოგადოება გვეუბნება, იმ პროპორციით, როგორც ვიქნებით არჩეული შემდგომ პარლამენტში", - აღნიშნა გია ვოლსკიმ.