სირიის პრეზიდენტი ბაშარ ასადი ოკუპირებული აფხაზეთის დე ფაქტო ლიდერს რაულ ხაჯიმბას „გამარჯვების დღეს“ და „დამოუკიდებლობის დღეს“ ულოცავს და აცხადებს, რომ მზად არის, ყოველი ღონე იხმაროს ორმხრივი ურთიერთობების გამყარებისა და განვითარებისთვის. ამის შესახებ „რია ნოვოსტი“ იუწყება.
„ვსარგებლობ შემთხვევით და მსურს დაგიდასტუროთ ჩვენი მისწრაფება მუდმივი ერთობლივი მუშაობისა და ორმხრივი ურთიერთობების გამყარებისა და განვითარებისთვის ყოველგვარი ძალისხმევის გამოყენებისთვის მზადყოფნა ორი მეგობარი ხალხის თანამშრომლობის ახალ სიმაღლეებზე აყვანის მიზნით“, - ნათქვამია ბაშარ ასადის წერილში.
ცნობისთვის, სირიამ აფხაზეთის ე.წ. დამოუკიდებლობა 2018 წლის მაისში აღიარა.