სურსათის ეროვნული სააგენტო აზიურ ფაროსანასთან ბრძოლის მექანიკური მეთოდების შესახებ რეკომენდაციებს ავრცელებს

ფაროსანასთან ბრძოლის საკოორდინაციო მართვის ცენტრი ტყისპირა პერიმეტრებზე მავნებელთან ბრძოლას „მოიზიდე და გაანადგურე“ სადგურების მეშვეობით ახორციელებს, - ამის შესახებ „ინტერპრესნიუსს“ სურსათის ეროვნული სააგენტოდან აცნობეს.

როგორც ინფორმაციაშია აღნიშნული, აზიური ფაროსანა ტემპერატურის კლებასთან ერთად საცხოვრებელი სახლებისა და შენობებისკენ იწყებს გადაადგილებას. ამ პერიოდში მავნებელი, მისი ბიოლოგიიდან გამომდინარე, ასრულებს სასოფლო-სამეურნეო კულტურებით კვებას და გამოზამთრებისთვის ემზადება, რის გამოც იგი ხშირად გვხვდება საცხოვრებელ სახლებში, მიტოვებულ შენობებსა და საკარმიდამო ნაკვეთებში. მავნებელი ახლომდებარე დასახლებებისკენ ტყის მასივებიდანაც გადაადგილდება.

განსაკუთრებით მნიშვნელოვანია საცხოვრებელი სახლებისკენ მიგრირებული აზიური ფაროსანას მექანიკური მეთოდებით განადგურება და მავნებელთან ბრძოლის პროცესში მოსახლეობის ჩართვა.

სურსათის ეროვნული სააგენტოს სპეციალისტები მოსახლეობასთან შეხვედრებს ყოველდღიურად მართავენ და ინფორმაციას აწვდიან მსოფლიოს წამყვანი ენტომოლოგების მიერ რეკომენდებული და სხვადასხვა ქვეყანაში აპრობირებული მექანიკური მეთოდების შესახებ:

1.მუყაოს ან სხვა მასალის ყუთის ფორმის მარტივი კონსტრუქციები, რომლებიც თავსდება საცხოვრებელი სახლების მახლობლად, მშრალ, მზიან ადგილას. ამ გზით შესაძლებელია გამოზამთრების ადგილის მაძიებელი მავნებლის მოზიდვა და შემდგომ მისი განადგურება.

2.ე.წ. „მოიზიდე და გაანადგურე“ მეთოდი. ინსექტიციდით გაჟღენთილი ბადე ან ქსოვილი თავსდება საცხოვრებლის პერიმეტრზე, სადაც მავნებლის მოზიდვის მიზნით, მაგრდება ნათურა ან ფერომონი. ბადესთან კონტაქტის შედეგად, მავნებელი ნადგურდება. დამატებითი ინფორმაცია იხილეთ: http://nfa.gov.ge/uploads/other/7/7424.pdf

3.სახლებში შესული ფაროსანას შეგროვება და განადგურება, მათ შორის სანათურის მეთოდის და წყლის გამოყენება. იხილეთ: https://www.facebook.com/National.Food.Agency/videos/1786318501404037/

მავნებლის საწინააღმდეგო ღონისძიებებს სახელმწიფო ოქტომბრის ბოლომდე გააგრძელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს