გურამ ჩალაგაშვილის დაკავება არის პოლიტიკური დევნა და განსხვავებული პოზიციების გამო ადამიანის მიმართ რეპრესიების გატარება, - ამის შესახებ „ერთიანი ნაციონალური მოძრაობის" წევრმა ლევან ხაბეიშვილმა, თბილისის საქალაქო სასამართლოში ჟურნალისტებთან საუბრისას განაცხადა.
მისივე განმარტებით, ის, რომ ჩალაგაშვილმა საზოგადოებრივი წესრიგი დაარღვია და ამის გამოა დაკავებულია, ეს სრული აბსურდია.
„როგორც ჩანს რუსი ოლიგარქი საბოლოოდ შეიშალა. ბრალში წერია, რომ გურამ ჩალაგაშვილი პარლამენტის შენობასთან საკუთარ მანქანაში იჯდა და უწმაწურად მოიხსენიებდა ბიძინა ივანიშვილს. ეს კი მესამე სართულზე მოქალაქემ გაიგო, ამიტომ საზოგადოებრივი წესრიგი დაირღვა და დავაკავეთო.
ოქმში შავით თეთრზე წერია, რომ უწმაწურად რომ მოიხსენია ღამის საათებში, ეს ყოფილა საზოგადოებრივი თავშეყრის ადგილას წესრიგის დარღვევა და ამის გამო ჰყავთ დაკავებული. რა თქმა უნდა, ეს არის პოლიტიკური დევნა და განსხვავებული პოზიციების გამო ადამიანის მიმართ რეპრესიების გატარება“, - განაცხადა ლევან ხაბეიშვილმა.