კობა გვენეტაძე - ნაბიჯები, რომლებსაც ეროვნული ბანკი და მთავრობა დგამს, აუცილებლად დაასტაბილურებს სიტუაციას და ინფლაციაზე წნეხს შეამცირებს

დარწმუნებული ვარ, რომ ის ნაბიჯები, რომლებსაც ეროვნული ბანკი და მთავრობა დგამს, აუცილებლად დაასტაბილურებს სიტუაციას და ინფლაციაზე წნეხს შეამცირებს, - ამის შესახებ ჟურნალისტებს საქართველოს ეროვნული ბანკის პრეზიდენტმა კობა გვენეტაძემ განუცხადა.

მისივე თქმით, ეროვნული ბანკი მთავრობასთან კოორდინაციაში მოქმედებს და სხვადასხვა ნაბიჯებს განიხილავს. რაც შეეხება საკითხს, რომ 2020 ბიუჯეტში 1 აშშ დოლარი = 2.98 კურსია ჩადებული, გვენეტაძე აცხადებს, რომ ეს უცხოური ვალდებულებების გაანგარიშებას ემსახურება.

„ბიუჯეტში კურსის დაფიქსირება უცხოური ვალდებულებების ეროვნულ ვალუტაში გაანგარიშებას უკავშირდება და ბიუჯეტის ბუღალტრული ნაწილია. ბიუჯეტი ჩვენთან შემოვიდა წესის თანახმად, განვიხილავთ და ჩვენს დასკვნას პარლამენტში წარვადგენთ“, - განაცხადა გვენეტაძემ.

მისივე თქმით, ეროვნული ბანკი მიმდინარე პერიოდში რეზერვების შევსებას არ აპირებს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში