ნათია თურნავა - ფოთის ახალი საპორტო ინფრასტრუქტურის მშენებლობა არის 500 ახალი სამუშაო ადგილი და 500 კმაყოფილი ოჯახი

დღევანდელი პროექტი იმის ნათელი მაგალითია, რომ ყველაფერს ვაკეთებთ, რათა საქართველომ საბოლოოდ დაიმკვიდროს, გააძლიეროს და განავითაროს თავისი ადგილი ჩვენს ევრაზიულ კორიდორში, რეალურად გავხდეთ ჰაბი, - ამის შესახებ ეკონომიკისა და მდგრადი განვითარების მინისტრმა ნათია თურნავამ ფოთის ნავსადგურში ახალი საპორტო ინფრასტრუქტურის მშენებლობის დაწყების ღონისძიებაზე განაცხადა.

მისივე თქმით, მთავრობა - პრემიერ-მინისტრი, ეკონომიკური გუნდი ყველაფერს აკეთებს იმისთვის, რომ საქართველოში საპორტო-სანავსადგურო ინფრასტრუქტურა, თითოეული პორტი განვითარდეს და შეიქმნას ახალი პორტები.

„ამასთან, ეს არის 500 ახალი სამუშაო ადგილი, რომელიც ფოთში შეიქმნება, ეს არის 500 კმაყოფილი ოჯახი“, - განაცხადა ნათია თურნავამ.

ნათია თურნავამ დამსწრე საზოგადოებას, პროექტის ინვესტორს - აშშ-ის მთავრობის კერძო საინვესტიციო კორპორაციას (OPIC), ფოთის მოსახლეობას მიულოცა ამ მნიშვნელოვანი პროექტის დაწყება.

„ეს არის მნიშვნელოვანი პროექტი, რომელიც ნიშნავს, რომ ჩვენ შევძლებთ, დამატებით 5 მლნ ტონაზე მეტი მშრალი ტვირთი გადავამუშაოთ და მივიღოთ, ეს ამაღლებს ჩვენი დერეფნის კონკურენტუნარიანობას“, - აღნიშნა ნათია თურნავამ.

ეკონომიკისა და მდგრადი განვითარების სამინისტროს პრესსამსახურის ინფორმაციით, პროექტი აშშ-ის მთავრობის კერძო საინვესტიციო კორპორაციამ (OPIC) 50 მლნ აშშ დოლარის ინვესტიციით დააფინანსა. ახალი საპორტო ინფრასტრუქტურა განთავსდება 25 ჰა მიწის ფართობზე, მშენებლობის ფარგლებში აკვატორია გაღრმავდება 13 მეტრამდე და შედეგად შესაძლებელი იქნება 60 ათას ტონამდე წყალწყვის გემების მიღება. აღნიშნული ტვირთბრუნვის 5 მილიონ ტონამდე გაზრდის შესაძლებლობას მისცემს. პროექტის ღირებულებაა 120 მლნ აშშ დოლარი. მისი პირველი ფაზის ღირებულება 93 მლნ დოლარს შეადგენს, საიდანაც 50 მლნ აშშ დოლარი OPIC - ის ინვესტიციაა.

აღსანიშნავია, რომ სესხის მოცულობიდან გამომდინარე, ეს არის OPIC - ის მიერ, საქართველოსა და მთელს კავკასიის რეგიონში საინვესტიციო პროექტებზე განხორციელებული ყველაზე მაღალი დაფინანსება.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)