გიორგი ლაფერაშვილის ინფორმაციით, ტელეკომპანია „ფორმულას“ გენერალური დირექტორი პროკურატურაში დაიბარეს

ტელეკომპანია „ფორმულას“ გენერალური დირექტორი ზურაბ გუმბარიძე პროკურატურაში დაიბარეს. ამის შესახებ ინფორმაციას არხის საინფორმაციო სამსახურის უფროსი გიორგი ლაფერაშვილი ავრცელებს.

როგორც ლაფერაშვილი აღნიშნავს, „ფორმულას“ გენერალური დირექტორის გარდა, გუმბარიძე კომპანია "ინტერმედიას" დამფუძნებელიცაა. მისივე ინფორმაციით, ზურაბ გუმბარიძე საგამოძიებო ორგანოში 2 ოქტომბერს, 14:00 საათზე ადვოკატთან ერთად მივა.

მისი გამოკითხვა, სავარაუდოდ, ტელეკომპანია „რუსთავი 2“-ის საქმეს უკვაშირდება, რომელზეც ბრალი არხის ყოფილ გენერალურ დირექტორს ნიკა გვარამიას, ყოფილ ფინანსურ დირექტორს კახა დამენიას და ასევე „ინტერმედია +“-ის ხელმძღვანელს აქვთ წაყენებული.

იხილეთ ვიდეო: გიორგი ლაფერაშვილის ინფორმაციით, ტელეკომპანია "ფორმულას" გენერალური დირექტორი პროკურატურაში დაიბარეს

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში