თბილისის საქალაქო სასამართლოსთან ირაკლი ოქრუაშვილის, კობა კოშაძისა და ზვიად კუპრავას მიმართ სოლიდარობის ნიშნად საპროტესტო აქცია გაიმართა. აქცია არასამთავრობო ორგანიზაცია "ევროპული მომავლისთვის", პარტია "გამარჯვებული საქართველოს" წევრებმა და დაკავებულების მხარდამჭერებმა გამართეს.

მათი თქმით, აქცია დღეს სამი სისხლის სამართლის საქმის გარშემო გაერთიანდა და მთავარი სათქმელი იყო ის, რომ "ბიძინა ივანიშვილს ქვეყანაში უამრავი პოლიტპატიმარი ჰყავს". აქციის მონაწილეებს, პროტესტის ნიშნად პირზე წითელი ლენტი ჰქონდათ აკრული,რაც ნიშნავს იმას, რომ " ბიძინა ივანიშვილს ყველას დადუმება სურს".

საპროტესტო აქცია საქალაქო სასამართლოსთან ამ დროისთვის უკვე დასრულებულია.