რეგიონული პოლიტიკისა და თვითმმართველობის საპარლამენტო კომიტეტის თავმჯდომარე ზაზა გაბუნია ტაქსის მძღოლებისთვის რეგულაციების დაწესებასთან დაკავშირებით აცხადებს, რომ რეფორმა ძველი წესების შეცვლას გულისხმობს.
ზაზა გაბუნიას თქმით, რეფორმა გულისხმობს იმ წესების შეცვლას, რომლებიც შესაძლოა იყოს არასრულფასოვანი, ხარვეზიანი და საჭიროებდეს გამართვასა და მოწესრიგებას.
„ამ რეფორმის მიზანიც ის არის, რომ ქალაქს ტაქსების ნაწილში ჰქონდეს ევროპული ქალაქების სტანდარტი და მოქალაქემ მიიღოს მაღალი ხარისხის სერვისი. მე მაქვს მოლოდინი, რომ რეფორმა ასეთ, დადებით შედეგებს მოიტანს“, -განაცხადა ზაზა გაბუნიამ.
აღნიშნულ განცხადებას პარლამენტის პრესსამსახური ავრცელებს.