ნათია თურნავა  - „მსოფლიო მმართველობის ინდიკატორების“ კვლევის შედეგები მთავრობის სწორი რეფორმების აღიარებაა

„მსოფლიო მმართველობის ინდიკატორების“ კვლევის შედეგები არის აღიარება და ეს არის რეალობა. მთავრობა ყველაფერს აკეთებს იმისთვის, რომ გააუმჯობესოს საინვესტიციო და ბიზნესგარემო და სწორედ ეს მიღწევებია ასახული მსოფლიო ბანკის გაუმჯობესებულ რეიტინგებში - ეს განცხადება ეკონომიკისა და მდგრადი განვითარების მინისტრმა ნათია თურნავამ „მსოფლიო ბანკის „მსოფლიო მმართველობის ინდიკატორების“ კვლევის შეფასებისას გააკეთა, რომლის თანახმადაც, საქართველო ერთ-ერთი საუკეთესო ქვეყანაა რეგიონში ბიუროკრატიის ეფექტურობის, რეგულირების ხარისხისა და კორუფციის წინააღმდეგ ბრძოლის კუთხით.

მინისტრის განცხადებით, მიღწევები, რაც გვაქვს კორუფციასთან ბრძოლის კუთხით, რეგულაციების სიმარტივის თვალსაზრისით და ზოგადად, ბიზნესგარემოს გაუმჯობესების კუთხით, ძალიან მნიშვნელოვანი გზავნილია საერთაშორიშო ინვესტორებისთვის.

„კორუფციასთან ბრძოლის მიმართულებით მსოფლიოს 183 ქვეყანას შორის მე-18 ადგილზე ყოფნა ძალიან მაღალი პოზიციაა, ასევე ხაზგასასმელია ის ფაქტი, რომ ევროპულ ქვეყნებს შორის მე-8 ადგილს ვიკავებთ და ამ ინდიკატორით მიხედვით უკეთესად გამოვიყურებით ისეთ განვითარებულ ქვეყნებთან შედარებით, როგორიცაა ესპანეთი, იტალია, ჩეხეთი და ა.შ. ", - განაცხადა მინისტრმა.

ცნობისთვის, მსოფლიო ბანკის „მსოფლიო მმართველობის ინდიკატორების“ კვლევის თანახმად, საქართველო ერთ-ერთი საუკეთესოა რეგიონში ბიუროკრატიის ეფექტურობის, რეგულირების ხარისხის, კორუფციის წინააღმდეგ ბრძოლის კუთხით. კვლევაში საქართველოს სარეიტინგო ქულა 6 ინდიკატორიდან 4 ინდიკატორში გაუმჯობესდა. ესენია: გამოხატვის უფლება და ანგარიშვალდებულება, მმართველობის ეფექტიანობა, რეგულაციების ხარისხი, კანონის უზენაესობა. სარეიტინგო ქულების გაუმჯობესების შესაბამისად, კვლევის 4-ვე ინდიკატორში გაუმჯობესდა ქვეყნის სარეიტინგო მდგომარეობა.

ისტორიული მაქსიმუმი დაფიქსირდა ხელისუფლების ეფექტიანობის ინდიკატორში, სადაც საქართველომ რანგირების 100%-იანი შკალიდან 74.04%დაიმსახურა და გაუსწრო ევროკავშირის წევრ 6 ქვეყნას, როგორიცაა უნგრეთი, იტალია, ხორვატია, საბერძნეთი, ბულგარეთი, რუმინეთი. ასევე პოზიტიურია შეფასება „რეგულირების ხარისხის“ მაჩვენებელში, სადაც საქართველომ შეფასების რანგირების 100%-იანი შკალიდან 83.17% დაიმსახურა. საქართველო ლიდერია რეგიონში და ევროპის ქვეყნებს შორის მე-15 პოზიციაზეა.

მსოფლიო მმართველობის ინდიკატორები (World Governance Indicators) წარმოადგენს კვლევით მონაცემთა ბაზას, რომელიც სრულად ეფუძნება სხვადასხვა გლობალურ რეიტინგებსა და შეფასებებს. კერძოდ, ეფუძნება სხვადასხვა საერთაშორისო რეიტინგებს, როგორიცაა გლობალური კონკურენტუნარიანობის ინდექსი, Economist Intelligence Unit, Freedom House, Open Budget Index, ინსტიტუციური პროფილის მონაცემთა ბაზა და სხვა.

აღნიშნულ ინფორმაციას, ეკონომიკისა და მდგრადი განვითარების სამინისტრო ავრცელებს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა