მაიკ პომპეო ადასტურებს, რომ ტრამპსა და ზელენსკის შორის გამართულ სატელეფონო საუბარში მონაწილეობდა

აშშ-ის სახელმწიფო მდივანი მაიკ პომპეო ადასტურებს, რომ დონალდ ტრამპსა და ვლადიმერ ზელენსკის შორის გამართულ სატელეფონო საუბარში მონაწილეობდა, - ამის შესახებ ინფორმაციას სააგენტო „როიტერსი“ ავრცელებს.

“სატელეფონო საუბარში ვმონაწილეობდი",- განუცხადა პომპეომ ჟურნალისტებს იტალიაში ვიზიტისას.

აშშ-ის სახელმწიფო მდივანმა ასევე აღნიშნა, რომ ზარი პოლიტიკურ საკითხებს, მათ შორის, „რუსული საფრთხის შემცირებას“, მთავრობაში კორუფციის აღმოფხვრასა და ეკონომიკის გაძლიერებას შეეხებოდა.

25 სექტემბერს წარმომადგენელთა პალატის სპიკერმა ნენსი პელოსიმ განაცხადა, რომ "დემოკრატებმა" პრეზიდენტ დონალდ ტრამპის იმპიჩმენტისთვის საჭირო ფორმალური პროცედურა დაიწყეს. პროცედურის დაწყებას წინ უძღოდა კონგრესის "დემოკრატი" წევრების ვარაუდი იმის შესახებ, რომ 25 ივლისს გამართული სატელეფონო საუბრის დროს, დონალდ ტრამპი ვლადიმერ ზელენსკის პოლიტიკური ოპონენტის - ჯო ბაიდენისა და მისი ვაჟის წინააღმდეგ სისხლის სამართლებრივი დევნის დაწყებას აიძულებდა, წინააღმდეგ შემთხვევაში კი, უკრაინას სამხედრო დახმარების შეწყვეტით ემუქრებოდა.

გამოცემა Wall Street Journal-ის ინფორმაციით, სატელეფონო საუბარში მაიკ პომპეოც მონაწილეობდა.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა