იაგო ხვიჩია - პოლიციაში დაბარებულ „გირჩის“ წევრებს  შეატყობინეს, რომ მათ მიმართ მოსამართლის ნებართვის საფუძველზე მოსმენა ხორციელდებოდა

„გირჩის“ წევრებს, რომლებიც კანაფის ლეგალიზების ფესტივალთან დაკავშირებით ერთი წლის წინ დაწყებული გამოძიების გამო პოლიციაში დაიბარეს, შეატყობინეს, რომ მათ მიმართ მოსამართლის ნებართვის საფუძველზე მოსმენა ხორციელდებოდა, - ამის შესახებ „გირჩის“ წევრმა იაგო ხვიჩიამ განაცხადა, რომელიც თანაპარტიელებთან ერთად პოლიციაში იყო დაბარებული.

მისივე თქმით, პოლიციაში უთხრეს, რომ მოსმენების შედეგად მის საუბრებში რაიმე უკანონო არ აღმოუჩენიათ.

" არასასიამოვნოა, როცა გეუბნებიან, რომ ტელეფონზე გისმენდნენ. ისედაც ხომ ვიცით, რომ ქვეყანაში გვისმენენ. ეს მგონია, რომ სასამართლოს პრობლემაზე მიუთითებს, რომ ნებართვას აძლევს კანაფის ლეგალიზაციის ფესტივალზე იმ ადამიანების მოსმენის, რომლებმაც მარიხუანის ლეგალიზაციას მიაღწიეს საკონსტიტუციო სასამართლოში. ამის გამო ჭორაობის საშუალება მისცა სასამართლომ ძალოვან უწყებებს,"- აცხადებს იაგო ხვიჩია.

მისივე თქმით, ეს შესაძლოა უკავშირდებოდეს მათი მხარდამჭერების შეშინების სურვილს.

" თუმცა ვინც აქ იყვნენ, ამ ადამიანებს არც შეშინებელი გამომეტყველება ჰქონდათ და პირიქით, ერთმანეთის მიმართ პატივისცემით ვიყავით გამსჭვალული, ვილაპარაკეთ და ვიხუმრეთ კიდეც,"- ამბობს იაგო ხვიჩია და დასძენს რომ თანაპარტიელებისგან განსხვავებით, მან პოლიციის შენობა მოკლე დროში დატოვა.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან