პრემიერ-მინისტრი გიორგი გახარია კომპოზიტორ გია ყანჩელის გარდაცვალების გამო მწუხარებას გამოთქვამს და მის ოჯახს სამძიმარს უცხადებს. როგორც პრემიერმა მთავრობის სხდომის დაწყებამდე განაცხადა, გია ყანჩელის მუსიკა მსოფლიო საგანძურში დაიკავებს ადგილს.

„კიდევ ერთხელ მინდა მწუხარება გამოვთქვა დიდი ქართველი კომპოზიტორის გია ყანჩელის გარდაცვალების გამო. ნამდვილად ეს ის შემთხვევაა, როდესაც გია ყანჩელის ქართულ მოტივებზე შექმნილი მუსიკა მსოფლიო საგანძურში დაიკავებს ადგილს. მინდა მივუსამძიმრო მის ოჯახს, ახლობლებს და საქართველოს მოქალაქეებს“, - განაცხადა პრემიერ-მინისტრმა.