ლონდა თოლორაიას განცხადებით, სახელმწიფო ინსპექტორის სამსახური მზადაა, 1 ნოემბრიდან სრული დატვირთვით შეუდგეს საგამოძიებო უფლებამოსილების განხორციელებას

სახელმწიფო ინსპექტორი ლონდა თოლორაია იუსტიციის მინისტრს თეა წულუკიანს შეხვდა. სახელმწიფო ინსპექტორის სამსახურის ინფორმაციით, შეხვედრაზე მხარეებმა დამოუკიდებელი საგამოძიებო მექანიზმის მნიშვნელობაზე და ამ პროცესში ეფექტიანი თანამშრომლობის აუცილებლობაზე ისაუბრეს.

მათივე ცნობით, ასევე, სახელმწიფო ინსპექტორმა იუსტიციის მინისტრს მიაწოდა ინფორმაცია სახელმწიფო ინსპექტორის სამსახურის შესახებ კანონის აღსრულების მიმდინარეობისა და სამსახურის საგამოძიებო მიმართულების ამოქმედების მიზნით გადადგმული ნაბიჯების შესახებ.

ლონდა თოლორაიამ აღნიშნა, რომ სამსახური მზადაა 1 ნოემბრიდან სრული დატვირთვით შეუდგეს საგამოძიებო უფლებამოსილების განხორციელებას.

„სახელმწიფო ინსპექტორს საქართველოს იუსტიციის მინისტრმა სრული მხარდაჭერა გამოუცხადა და მომავალ საქმიანობაში წარმატება უსურვა.

2019 წლის 1 ნოემბრიდან სახელმწიფო ინსპექტორის სამსახურში საგამოძიებო ფუნქცია ამოქმედდება. სამსახური სამართალდამცავი ორგანოს წარმომადგენლის, მოხელის ან მასთან გათანაბრებული პირის მიერ ჩადენილ ცალკეულ დანაშაულებს გამოიძიებს“, - ნათქვამია ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს