ერაყში მიმდინარე ანტისამთავრობო აქციების დროს დემონსტრანტებსა და პოლიციას შორის შეტაკების შედეგად დაღუპულთა რიცხვი 27-მდე გაიზარდა, - ამის შესახებ ინფორმაციას „როიტერსი“ ავრცელებს.

გამოცემის ინფორმაციით, ერაყის უსაფრთხოების ძალებმა ხუთშაბათს დემონსტრანტებს ცეცხლი გაუხსნეს, რის შედეგადაც დაღუპულთა რაოდენობამ სამდღიანი საპროტესტო აქციების განმავლობაში 27-ს მიაღწია, 600-ზე მეტი ადამიანი კი დაშავებულია.

ანტისამთავრობო აქციები ერაყში მთელი ქვეყნის მასშტაბით იმართება. დემონსტრანტები სამუშაო ადგილების სიმცირეს, კორუფციასა და ეკონომიკურ პრობლემებს აპროტესტებენ. ბაღდადთსა და კიდევ სამ ქალაქში კომენდანტის საათია შემოღებული.