აშშ უკრაინისთვის ჯაველინების მიყიდვის პროცედურას იწყებს
უკრაინული მედიის ცნობით, ამერიკის შეერთებული შტატები ოფიციალურად იწყებს ჯაველინის სარაკეტო სისტემების მიყიდვის პროცედურას უკრაინისთვის.
„აშშ-ს თავდაცვის უსაფრთხოების თანამშრომლობის სააგენტომ კონგრესს აცნობა უკრაინაში ჯაველინის რაკეტების და შესაბამისი აღჭურვილობის სამხედრო მიყიდვის შესახებ დაახლოებით 39.2 მილიონი აშშ დოლარად”, - იტყობინება უკრაინის საელჩო შეერთებულ შტატებში.
აღსანიშნავია, რომ ამ ტიპის სარაკეტო სისტემებზე საუბარი აშშ-ს პრეზიდენტის დონალდ ტრამპისა და უკრაინის პრეზიდენტის ვლადიმირ ზელენსკის სატელეფონო საუბრისას შედგა. სარაკეტო სისტემების შესყიდვა უკრაინის სამთავრობო ფონდების მიერ მოხდება.
