ირანის დედაქალაქ თეირანში, რუსი ჟურნალისტი, იულია იუზიკი დააკავეს. ინფორმაციას რუსული მედია ავრცელებს. წყაროს ინფორმაციით, იუზიკი თეირანში მიწვეული იყო როგორც კორესპონდენტი. დაკავებულის თქმით, მას აეროპორტში პასპორტი ჩამოართვეს და განუცხადეს, რომ ქვეყნის დატოვებისას დაუბრუნებდნენ.
გავრცელებული ინფორმაციით, ჟურნალისტს ირანის ისლამური რესპუბლიკის ხელისუფლება ისრაელის სადაზვერვო სამსახურებთან თანამშრომლობას ედავება, რაც მინიმუმ 10 წლით პატიმრობას ითვალისწინებს.