ასტრონომიული კავშირის თავმჯდომარე - პრემიერის და განათლების მინისტრის გადაწყვეტილება საქართველოს ობსერვატორიას საერთაშორისო დონის კვლევით ინსტიტუტად აქცევს

მკვლევარი, საქართველოს ასტრონომიული კავშირის თავმჯდომარე თეიმურაზ კვერნაძე დარწმუნებულია, რომ აბასთუმნის ობსერვატორიას იმდენად დიდი პოტენციალი და განვითარების შესაძლებლობა აქვს, რომ ამ გადაწყვეტილებით, საერთაშორისო დონის კვლევით ინსტიტუტად ჩამოყალიბდება. თეიმურაზ კვერნაძის თქმით, მალე აბასთუმნის ობსერვატორიით ყველა იამაყებს.

„შესანიშნავი გადაწყვეტილებაა, რომლისთვისაც ჩვენ მრავალი წელი ვიბრძოდით. მივმართეთ ყველა ინსტანციას, დავწერეთ უამრავი წერილი და გავმართეთ შეხვედრები. ჩავატარეთ კრება, სადაც მივიღეთ გადაწყვეტილება, რომ უნდა აღდგეს სსიპ-ი და ამ გადაწყვეტილებას ხელი მოაწერა ობსერვატორიის 40-ზე მეტმა თანამშრომელმა. ძალიან დიდი მადლობა განათლების, მეცნიერების, კულტურისა და სპორტის სამინისტროს დღევანდელ შემადგენლობას. პრემიერ-მინისტრისა და განათლების მინისტრის ეს გადაწყვეტილება საქართველოს ობსერვატორიას საერთაშორისო დონის კვლევით ინსტიტუტად აქცევს. ღრმად ვარ დარწმუნებული, რომ ობსერვატორიის სსიპ-ად ჩამოყალიბებას მისი მეტად განვითარება მოჰყვება. დღემდე ობსერვატორია გადავაქციეთ უნივერსიტეტის დონის ობსერვატორიად, რაც მიუღებელია. დარწმუნებული ვარ, რომ მალე ყველა ვიამაყებთ აბასთუმნის ობსერვატორიით”, - აცხადებს თეიმურაზ კვერნაძე.

აღნიშნულ ინფორმაციას საქართველოს განათლების, მეცნიერების, კულტურისა და სპორტის სამინისტრო ავცრელებს.

შეგახსენებთ, 24 ნოემბრიდან ილიას სახელმწიფო უნივერსიტეტს აბასთუმნის ობსერვატორია გამოეყოფა და განათლების სამინისტროს სსიპ-ად ჩამოყალიბდება.

მთავრობის დადგენილების თანახმად, რომელსაც ხელს პრემიერ-მინისტრი გიორგი გახარია აწერს, სსიპ ევგენი ხარაძის სახელობის აბასთუმნის ასტროფიზიკური ობსერვატორია ფუძნდება და საქართველოს აბასთუმნის ობსერვატორია განათლების სამინისტროს სსიპ-ად ყალიბდება.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო