თეირანში რუსი ჟურნალისტის დაკავების გამო ირანის ელჩი რუსეთის საგარეო საქმეთა სამინისტროში დაიბარეს, - ამის შესახებ საგარეო საქმეთა სამინისტროს წარმომადგენელმა მარია ზახაროვამ განაცხადა.
„რუსი ჟურნალისტის თეირანში დაკავების გარემოებებთან დაკავშირებით განმარტების გაკეთებისა და რუსეთის მოქალაქის უფლებების დაცვის მიზნით, ირანის ელჩი საგარეო საქმეთა სამინისტროშია დაბარებული“, - წერს ზახაროვა „ფეისბუქის“ საკუთარ გვერდზე.
შეგახსენებთ, რომ ირანის დედაქალაქ თეირანში, რუსი ჟურნალისტი, იულია იუზიკი დააკავეს. როგორც სააგენტო „როიტერსს“ დაკავებულის ყოფილმა მეუღლემ, ბორის ვოიცეხოვსკიმ, განუცხადა, იუზიკი ტელეფონით დედას დაუკავშირდა და უთხრა, რომ უსაფრთხოების ძალები მის სასტუმრო ოთახში შეიჭრნენ და ისრაელის სადაზვერვო სამსახურებთან კავშირის ბრალდებით დააკავეს.